മാനദണ്ഡം ഇവയെല്ലാം

ബിസിനസാരംഭിക്കുന്നതിനുള്ള നടപടിക്രമങ്ങള്‍, അനുമതി, വൈദ്യുതി സൗകര്യം, രജിസ്‌ട്രേഷന്‍,വായ്പകള്‍, നികുതി എന്നിങ്ങനെ സംരംഭങ്ങള്‍ക്കനുയോജ്യമായ പത്ത് കാര്യങ്ങള്‍ കണക്കിലെടുത്താണ് റിപ്പോര്‍ട്ട് തയ്യാറാക്കിയത്.

ബിസിനസ് തുടങ്ങാന്‍ അര ദിവസം

ന്യൂസിലാന്‍ഡില്‍ ബിസിനസാരംഭിക്കാന്‍ അര ദിവസം മാത്രം മതി. ഇന്ത്യയില്‍ 26 ദിവസമാണ് ആവശ്യം. ന്യൂസിലാന്‍ഡ് കഴിഞ്ഞ വര്‍ഷവും ഒന്നാം സ്ഥാനത്തായിരുന്നു.

ആദ്യ പത്ത് സ്ഥാനങ്ങളില്‍

21 ദിവസമാണ് രാജ്യാന്തര ശരാശരി. സിംഗപ്പൂരാണ് രണ്ടാം സ്ഥാനത്ത്. 2.5 ദിവസമാണ് സിംഗപ്പൂരില്‍ ബിസിനസാരംഭിക്കാന്‍ വേണ്ടി വരുന്നത്. ഡെന്‍മാര്‍ക്കാണ് മൂന്നാം സ്ഥാനത്ത്. ഹോങ്കോംഗാണ് നാലാമത്. ദക്ഷിണകൊറിയ, നോര്‍വേ, യുകെ,യുഎസ്,സ്വീഡന്‍, മാസിഡോണിയ എന്നീ രാജ്യങ്ങളാണ് തൊട്ടുപിറകില്‍. സൊമാലിയയാണ് ഏറ്റവും അവസാനം.

നില മെച്ചപ്പെടുത്തി പാകിസ്ഥാന്‍

ചൈന 78-ാം സ്ഥാനത്താണ്. ഭൂട്ടാന്‍ (73), നേപ്പാള്‍ (107) ശ്രീലങ്ക (110) എന്നീ അയല്‍രാജ്യങ്ങളും ഇന്ത്യയെ മറികടന്നു. പാകിസ്ഥാന്‍ നില വളരെ മെച്ചപ്പെടുത്തി ഇപ്പോള്‍ 144ാം സ്ഥാനത്താണ്. ഏറ്റവും വലിയ പുരോഗതി കാണിച്ച ആദ്യത്തെ 10 രാജ്യങ്ങളില്‍ പാകിസ്ഥാനുമുണ്ട്. ബംഗ്ലാദേശാണ് 176ല്‍.