തല്‍ക്കാല്‍ ടിക്കറ്റ് ഇനി മൊബിക്വിക്കിലെടുക്കാം. റെയില്‍വേ തല്‍കാല്‍ ടിക്കറ്റ് ബുക്കിംഗിന് ഇ-പേയ്മെന്റ് സൗകര്യമൊരുക്കാന്‍ മൊബൈല്‍ പേയ്മെന്റ് സംവിധാനമായ മൊബിക്വിക്കും ഐആര്‍സിടിസി (ഇന്ത്യന്‍ റെയ്ല്‍വെ കാറ്ററിംഗ് ആന്‍ഡ് ടൂറിസം കോര്‍പ്പറേഷന്‍)യും സഹകരിക്കുന്നു.

തത്കാല്‍ ടിക്കറ്റ് ബുക്ക് ചെയ്യുന്നതിന് മൊബിക്വിക്ക് ഉപയോക്താക്കള്‍ നെറ്റ്ബാങ്കിംഗോ ക്രെഡിറ്റ്, ഡെബിറ്റ് കാര്‍ഡുകളോ ഉപയോഗിച്ച് അടയ്ക്കാന്‍ ഉദ്ദേശിക്കുന്ന തുക പ്രീ ലോഡ് ചെയ്യണം.

യാത്രക്കാര്‍ക്ക് മികച്ച പണമടയ്ക്കല്‍ സൗകര്യമൊരുക്കാന്‍ ഏഷ്യയിലെ ഏറ്റവും വലിയ റെയില്‍വെ നെറ്റ്വര്‍ക്കുമായി സഹകരിക്കുന്നതില്‍ സന്തോഷമുണ്ടെന്ന് മൊബിക്വിക്ക് സഹസ്ഥാപക ഉപാസന താക്കു പറഞ്ഞു.

മുംബൈ, ഡെല്‍ഹി, ബെംഗളൂരു, സൂററ്റ്, ജയ്പൂര്‍ എന്നിവിടങ്ങളിലാണ് മൊബിക്വിക്കിന്റെ കാഷ് പിക്ക് സേവനമുള്ളത്. രാജ്യത്തെ 10000 നഗരങ്ങളിലെ ഒരു ലക്ഷം സ്ഥലങ്ങളില്‍ നിന്ന് മൊബിക്വിക്ക് ഉപയോക്താക്കള്‍ക്ക് പണം അടയ്ക്കാന്‍ സാധിക്കും.