എടിഎം ചാര്‍ജുകള്‍ ഒഴിവാക്കും, ശനിയും ഞായറും ബാങ്ക് തുറക്കും

ബെംഗളൂരു: ആയിരം, അഞ്ഞൂറ് രൂപ നോട്ടുകള്‍ അസാധുവാക്കിയതിനെത്തുടര്‍ന്നുണ്ടായ തിരക്ക് നിയന്ത്രിക്കാന്‍ ഈ ആഴ്ച ശനിയും ഞായറും ബാങ്കുകള്‍ തുറന്ന് പ്രവര്‍ത്തിക്കും. റിസര്‍വ് ബാങ്കാണ് ഇക്കാര്യം അറിയിച്ചത്.

ബാങ്കിംഗ് സമയം കൂട്ടാനും, എടിഎം ചാര്‍ജുകള്‍ ഒഴിവാക്കാനും ബാങ്കുകള്‍ ആലോചിക്കുന്നുണ്ട്. 500,1000 രൂപ നോട്ടുകള്‍ മാറ്റിവാങ്ങുന്ന തിരക്ക് ഒഴിവാക്കുന്നതിന്റെ ഭാഗമായി ക്രഡിറ്റ് ലിമിറ്റ് കൂട്ടി നിശ്ചയിക്കാനും ബാങ്കുകള്‍ക്ക് പദ്ധതിയുണ്ട്.

പുതിയ 500, 2000 രൂപ നോട്ടുകള്‍ വെള്ളിയാഴ്ച മുതല്‍ എടിഎമ്മുകളില്‍ ലഭ്യമാകും. എടിഎമ്മുകള്‍ വ്യാഴാഴ്ച മുതല്‍ പ്രവര്‍ത്തിച്ചു തുടങ്ങും. ധനകാര്യ സെക്രട്ടറി അശോക് ലവാസയാണ് ഇക്കാര്യം അറിയിച്ചത്. നോട്ടുകളുടെ പിന്‍വലിക്കല്‍ ജനങ്ങള്‍ക്ക് ബുദ്ധിമുട്ട് ഉണ്ടായിട്ടുണ്ടെന്നും എന്നാല്‍ ഇത് പരിഹരിക്കാനുള്ള നടപടികള്‍ സര്‍ക്കാര്‍ എടുത്തിട്ടുണ്ടെന്നും ധനകാര്യ സെക്രട്ടറി പറഞ്ഞു. അതേസമയം

പഴയ നോട്ടുകള്‍ മാറാന്‍ പ്രത്യേക ഫോം പൂരിപ്പിച്ച് നല്‍കണം. ആധാര്‍,തെരഞ്ഞെടുപ്പ് ഐഡി, പാന്‍കാര്‍ഡ്, പാസ്‌പോര്‍ട്ട്, ഡ്രൈവിങ് ലൈസന്‍സ്, തൊഴിലുറപ്പ് കാര്‍ഡ് എന്നിവയിലൊന്ന് തിരിച്ചറിയല്‍ കാര്‍ഡായി സ്വീകരിക്കും.