മുംബൈ: രാജ്യത്തെ എല്ലാ എടിഎമ്മുകളും പൂര്ണമായും പ്രവര്ത്തിച്ചുതുടങ്ങാന് രണ്ടാഴ്ചയെങ്കിലുമെടുക്കും. വെള്ളിയാഴ്ച മുതല് എടിഎമ്മുകള് പ്രവര്ത്തിക്കുമെന്ന് അറിയിച്ചിരുന്നെങ്കിലും ആവശ്യത്തിന് പണമെത്താത്തതും എടിഎം യന്ത്രത്തില് ചെറിയ സംഖ്യയുടെ നോട്ടുകള് വെയ്ക്കുന്നതിനുള്ള മാറ്റങ്ങള് സജ്ജീകരിക്കാന് കഴിയാത്തതുമാണ് എടിഎം പ്രവര്ത്തനത്തെ ബാധിച്ചത്.
നിലവില് 2.2 ലക്ഷം എടിഎമ്മുകളാണ് രാജ്യത്തുള്ളത്. അതില് പണം നിറയ്ക്കാനായി 9000 വാനുകളും 30000 ജീവനക്കാരുമാണ് ഉള്ളത്. ദിവസം ശരാശരി 25,000 എടിഎമ്മുകളിലാണ് ഇവരുടെ സേവനം ലഭ്യമാവുക.
സാധാരണ എടിഎമ്മുകളില് പണം നിറയ്ക്കാനായി അറകളുണ്ട്.ഇവയില് 2500 രൂപ വീതം നോട്ടുകളാണ് വെക്കാന് കഴിയുക. പുതിയ രണ്ടായിരം രൂപ നോട്ടുകള് വെക്കാനുള്ള സൗകര്യവും പുതിയ നോട്ടിനെ കമ്പ്യൂട്ടറിന് തിരിച്ചറിയാനുള്ള സംവിധാനവും പുതിയതായി ഘടിപ്പിക്കണം.
നിലവിലുള്ള എടിഎമ്മുകളില് 90 ശതമാനവും അഞ്ഞൂറിന്റേയും ആയിരത്തിന്റേയും നോട്ടുകളാണ്. 40,000 കോടി രൂപയുടെ ഇത്രയും നോട്ടുകള് എടിഎമ്മില് നിന്നും മാറ്റിയതിന് ശേഷം വേണം 4,000 കോടിയുടെ 100 രൂപ നോട്ടുകള് പകരം വെക്കാന്.