കൊച്ചി: കിടിലന് ഓഫറുകളുമായി ബജറ്റ് എയര്ലൈനായ എയര്ഏഷ്യ ഇന്ത്യ. എല്ലാ ചിലവുകളും ഉള്പ്പെടെ 799 രൂപ നിരക്കില് ഇപ്പോള് എയര് ഏഷ്യയില് യാത്ര ചെയ്യാം.
നവംബര് 20 വരെ 799 രൂപ ഓഫറിന് കീഴില് എയര്ഏഷ്യ ടിക്കറ്റുകള് ബുക്ക് ചെയ്യാം. 2017 മെയ് 1 മുതല് 2018 ഫെബ്രുവരി 6 വരെയുള്ള കാലയളവില് ഈ ഓഫര് വഴി ബുക്ക് ചെയത് ടിക്കറ്റില് യാത്ര ചെയ്യാം.
ഗുവാഹട്ടി-ഇംഫാല് റൂട്ടിലാണ് ഏയര് ഏഷ്യയുടെ ഏറ്റവും കുറഞ്ഞ നിരക്കായ 799 രൂപയില് ടിക്കറ്റുകള് ലഭ്യമാകുക.കൊച്ചി-ബെംഗളൂരു, ഹൈദരാബാദ്-ബെംഗളൂരു റൂട്ടുകളില് 999 രൂപയാണ് ടിക്കറ്റ് നിരക്ക്. പൂണെ-ബെംഗളൂരു, ബെംഗളൂരു-വിശാഖപട്ടണം, ബെംഗളൂരു-ഗോവ എന്നീ റൂട്ടുകളില് 1299 രൂപ നിരക്കില് ഓഫറില് ടിക്കറ്റ് ലഭ്യമാകും.
ഹൈദരാബാദ്-ഗോവ റൂട്ടിലെ യാത്രയ്ക്ക് 1599 രൂപയും കൊച്ചി- ഹൈദരാബാദ് റൂട്ടില് 2499 രൂപയുമാണ് നിരക്ക്. ആഭ്യന്തര യാത്രക്കാരുടെ എണ്ണം വര്ധിച്ചതോടെ പരമാവധി ഓഫറുകള് നല്കി യാത്രക്കാരെ ആകര്ഷിക്കുകയാണ് എയര്ലൈന് കമ്പനികള്.
കാശില്ല കാര്ഡുണ്ട്; സൈ്വപിംഗ് മഷീന് വന് ഡിമാന്ഡ് ,'അച്ഛാ ദിന്'