ന്യൂഡല്‍ഹി: എടിഎം ഉപയോഗിക്കുന്നതിന് ബാങ്കുകള്‍ ചാര്‍ജ് ഈടാക്കരുതെന്ന് റിസര്‍വ് ബാങ്ക് നിര്‍ദ്ദേശം നല്‍കി. ഡിസംബര്‍ 30വരെ് കാര്‍ഡ് ഉപയോഗിക്കുന്നവര്‍ക്ക് ഇളവ് നല്‍കണമെന്നാണ് ബാങ്കുകള്‍ക്ക് നിര്‍ദേശം നല്‍കിയത്.

പുതിയ നിര്‍ദേശത്തോടെ ഒരു ദിവസം പരമാവധി പിന്‍വലിക്കാവുന്ന തുക ഏത് ബാങ്കിന്റെ എടിഎം കൗണ്ടറില്‍ നിന്നും പിന്‍വലിക്കാം. എത്ര തവണ പിന്‍വലിച്ചാലും പ്രത്യേകം ചാര്‍ജ്് ഈടാക്കില്ല. പണം പിന്‍വലിക്കുന്നത് ഉള്‍പ്പെടെയുള്ള ഒരു ഇടപാടുകള്‍ക്കും ഇക്കാലയളവില്‍ സര്‍വ്വീസ് ചാര്‍ജ് ഉണ്ടാവില്ലെന്നും റിസര്‍വ് ബാങ്ക് അറിയിച്ചിട്ടുണ്ട്.

പ്രധാന ആശുപത്രികളില്‍ മൊബൈല്‍ ബാങ്കിങ് സൗകര്യം ഉറപ്പാക്കണം, അക്കൗണ്ട് ഇല്ലാത്തവര്‍ക്ക് പുതിയ അക്കൗണ്ടുകള്‍ തുറക്കാന്‍ സംസ്ഥാന സര്‍ക്കാരുകള്‍ സൗകര്യമൊരുക്കണം, മൊബൈല്‍ ഫോണ്‍ ഉപയോഗിച്ചുള്ള പണം കൈമാറ്റത്തിനുള്ള സൗകര്യം വര്‍ധിപ്പിക്കാനും ഡെബിറ്റ്, ക്രെഡിറ്റ് കാര്‍ഡുകള്‍ കൂടുതലായി ലഭ്യമാക്കാണം എന്നീ നിര്‍ദേശങ്ങളും വിവിധ സംസ്ഥാനങ്ങള്‍ക്കു റിസര്‍വ് ബാങ്ക് കൈമാറിയിട്ടുണ്ട്

നോട്ട് പ്രതിസന്ധി രൂക്ഷമായതിനെത്തുടര്‍ന്ന് അവശ്യ സര്‍വീസുകള്‍ക്ക് പഴയ നോട്ടുകള്‍ നവംബര്‍ 24 വരെ ഉപയോഗിക്കാമെന്ന് കഴിഞ്ഞ ദിവസം ഉത്തരവിറക്കിയിരുന്നു. സര്‍ക്കാര്‍ ആശുപത്രികളിലും, പെട്രോള്‍ പന്പുകളിലും പഴയ നോട്ട് സ്വീകരിക്കും.