കൊച്ചി: സംസ്ഥാനത്ത് സ്വര്‍ണവില കുത്തനെ കൂടുന്നു. പവന് 400 രൂപയുടെ വര്‍ധനവാണ് ബുധനാഴ്ച ഉണ്ടായത്. ഗ്രാമിന് 2,935 രൂപയും പവന് 23, 480 രൂപയാണ് വ്യാപാരി വില.

22,880 രൂപ ആയിരുന്നു ചൊവ്വാഴ്ച സ്വര്‍ണവില. പ്രതിസന്ി സമയങ്ങളില്‍ നിക്ഷേപകരുടെ പ്രിയപ്പെട്ട മാര്‍ഗമായി സ്വര്‍ണം മാറുന്ന കാഴ്ചയാണുള്ളത്.

500,1000 നോട്ടുകള്‍ അസാധുവാക്കിയതോടെ കേരളത്തിലെ ജ്വല്ലറികളില്‍ വ്യാപാരത്തില്‍ വലിയ തോതില്‍ കുറവുണ്ട്.

അമേരിക്കന്‍ തെരഞ്ഞെടുപ്പും, 500, 1000 നോട്ടുകള്‍ അസാധുവാക്കിയ നടപടിയുമാണ് സ്വര്‍ണവിലയിലെ വന്‍ വര്‍ധനവിന് കാരണം. ആഗോള വിപണിയുടെ ചുവട് പിടിച്ചാണ് കേരളത്തില്‍ സ്വര്‍ണവില ഉയരുന്നത്.