കൊച്ചി: സ്വര്‍ണ വില കുറഞ്ഞു. പവന് 480 രൂപ കുറഞ്ഞ് 22,400 രൂപയിലെത്തി. ഗ്രാമിന് 60 രൂപ താഴ്ന്ന് 2,800 രൂപയിലാണ് ഇപ്പോള്‍ വ്യാപാരം പുരോഗമിക്കുന്നത്.

കഴിഞ്ഞ ദിവസം 22,880 രൂപയായിരുന്നു പവന് നിരക്ക്.ഒന്‍പത് ദിവസത്തിന് ശേഷമാണ് പവന്റെ വിലയില്‍ മാറ്റമുണ്ടാകുന്നത്.

ഈ മാസത്തെ ഏറ്റവും കുറഞ്ഞ വിലയിലാണ് ശനിയാഴ്ച വ്യാപാരം നടക്കുന്നത്. അന്താരാഷ്ട്ര വിപണിയില്‍ വിലയിലുണ്ടായ വ്യതിയാനമാണ് കേരളത്തിലും വില കുറയാന്‍ കാരണമായത്.

23,480 രൂപയായിരുന്നു ഈ മാസത്തെ കൂടിയ നിരക്ക്. യുഎസ് ഇലക്ഷനില്‍ ട്രംപ് ജയിച്ചത് സ്വര്‍ണ വിപണിയില്‍ വന്‍ വില വര്‍ധനവിന് കാരണമായിരുന്നു.