100 രൂപയുടെ പുതിയ നോട്ട് റിസര്‍വ് ബാങ്ക് ഉടന്‍ പുറത്തിറക്കും

പുതിയ നൂറുരൂപാനോട്ട് ആര്‍ ബി ഐ ഉടന്‍ പുറത്തിറക്കും. 2005-മഹാത്മാഗാന്ധി സീരീസില്‍ നേരിയ മാറ്റങ്ങള്‍ വരുത്തിയാവും പുതിയ നോട്ട് ഇറക്കുക. തുടര്‍ന്നും പഴയ 100രൂപ നോട്ട് ഉപയോഗിക്കുന്നതില്‍ യാതൊരു നിയന്ത്രണവുമില്ല. പുതിയ നോട്ടും പഴയ നോട്ടും ഉപയോഗിക്കാവുന്നതാണ്. റിസര്‍വ് ബാങ്ക് പുറത്തിറക്കിയ വാര്‍ത്താക്കുറിപ്പിലാണ് ഇക്കാര്യം അറിയിച്ചത്.

നോട്ട് പിന്‍വലിക്കല്‍ തീരുമാനം നടപ്പിലായതോടെ നൂറുരൂപക്ക് വന്‍ ക്ഷാമമാണ്. ഈ അവസരത്തില്‍ 100 രൂപയുടെ പുതിയ നോട്ട് പുറത്തിറക്കാനുള്ള റിസര്‍വ് ബാങ്കിന്റെ തീരുമാനം നോട്ടുക്ഷാമത്തെ നേരിടാന്‍ സഹായിക്കും. കഴിഞ്ഞദിവസം പുതിയ 20, 50 രൂപാ നോട്ടുകള്‍ പുറത്തിറക്കുമെന്ന് ആര്‍ ബി ഐ അറിയിച്ചിരുന്നു.