Just In
-
-
-
-
Don't Miss
-
T20 World Cup 2024: വിക്കറ്റ് കാക്കുക റിഷഭ് തന്നെ! സഞ്ജു വാട്ടര് ബോയ്? 20 അംഗ സ്ക്വാഡ് പുറത്ത് -
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
ശൈലജക്കെതിരായ ദുഷ്പ്രചരണം; പിന്നില് ഈ മൂവര്സംഘമെന്ന് വികെ സനോജ് -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
കറണ്‍സി രഹിത പണമിടപാടുകളെക്കുറിച്ച് ജനങ്ങള്‍ക്ക് കൂടുതല്‍ അവബോധം നല്‍കുന്നതിനായി സര്‍ക്കാര്‍ ടോള്‍ ഫ്രീ നമ്പര്‍ ആരംഭിക്കുന്നു. ഐടി കമ്പനിയായ നാസ്‌കോമിന്റെ സഹായത്തോടെയാണ് പുതിയ സംരംഭം തുടങ്ങുന്നത്. 14444 എന്ന നമ്പരാണ് ടെലികോം മന്ത്രാലയം ഇതിനായി അനുവദിച്ചിരിക്കുന്ന നമ്പര്‍.
ഹെല്‍പ്പ് ലൈന്‍ നമ്പര്‍ അടുത്തയാഴ്ച്ച തന്നെ പ്രവര്‍ത്തനം ആരംഭിക്കുമെന്ന് നാസ്‌കോം പ്രസിഡന്റ് ആര്‍ ചന്ദ്രശേഖര്‍ അറിയിച്ചു. ഇതിനു വേണ്ടിയുള്ള കോള്‍ സെന്റര്‍ സംവിധാനങ്ങളടക്കം ഏതാണ്ട് എല്ലാ ഒരുക്കങ്ങളും തയ്യാറായിക്കഴിഞ്ഞുവെന്ന് കേന്ദ്ര ഐടി മന്ത്രി രവിശങ്കര്‍ പ്രസാദ് വ്യക്തമാക്കി.
ഉപഭോക്താക്കളുടെ ബാങ്ക് അക്കൗണ്ട്, ഉപയോഗിക്കുന്ന മൊബൈല്‍ ഫോണ്‍ എന്നിവ അനുസരിച്ച് ഓരോരുത്തര്‍ക്കും അനുയോജ്യമായ കറണ്‍സി രഹിത ഇടപാട് രീതി ഏതാണ് തുടങ്ങിയ വിവരങ്ങള്‍ 14444 എന്ന ടോള്‍ ഫ്രീ നമ്പരില്‍ നിന്ന് ലഭിക്കും. നോട്ട് പ്രതിസന്ധിയെത്തുടര്‍ന്ന് സര്‍ക്കാര്‍ പ്രഖ്യാപിച്ച ഡിജിറ്റല്‍ ആനുകൂല്യങ്ങളെ കുറിച്ച് സാധാരണ ജനങ്ങള്‍ക്ക് പോലും മനസിലാക്കാന്‍ ഈ ഹെല്‍പ്പ് ലൈന്‍ സംരംഭം സഹായിക്കും.
ഡിജിറ്റല്‍ പണമിടപാടുകളെക്കുറിച്ച് അവബോധം നല്‍കുകയെന്ന ലക്ഷ്യം മുന്‍നിര്‍ത്തി കഴിഞ്ഞ വെള്ളിയാഴ്ച്ചയാണ് കേന്ദ്ര ഇലക്ട്രോണിക് ആന്റ് ഐടി മന്ത്രാലയം ഡിജി ചാനല്‍ സംപ്രേഷണം ആരംഭിച്ചത്. ക്യാഷ്‌ലെസ് ഇന്ത്യ വെബ്‌സൈറ്റിലും ദൂരദര്‍ശന്റെ ഡിടിഎച്ച് പ്ലാറ്റ് ഫോമിലുമാണ് ഇപ്പോള്‍ ഈ ചാനല്‍ ലഭിക്കുക.
