ഡിസംബര് 7വരെ പോസ്റ്റോഫീസുകളില് 3680കോടി രൂപയുടെ പഴയനോട്ടുകള് മാറിയെടുത്തു.
കേന്ദ്രസര്ക്കാറിന്റെ കണക്കുകള് പ്രകാരം ഡിസംബര് 7വരെ പോസ്റ്റോഫീസുകളില് മാത്രം മാറ്റിയെടുത്ത നോട്ടുകള് ഏകദേശം 3680.99 കോടി രൂപയാണ്.
News
oi-Shyncy
By Shyncy
നവംബര് 8ന് പഴയ 500, 1000ന്റെ കറണ്സി നോട്ടുകള് പിന്വലിക്കാന് തീരുമാനമായതോടെ നോട്ടുകള് മാറ്റിയെടുക്കുന്നതിനായി ബാങ്കുകളിലും പോസ്റ്റോഫീസുകളിലും വന് തിരക്കാണ് അനുഭവപ്പെടുന്നത്. കേന്ദ്രസര്ക്കാറിന്റെ കണക്കുകള് പ്രകാരം ഡിസംബര് 7വരെ പോസ്റ്റോഫീസുകളില് മാത്രം മാറ്റിയെടുത്തത് ഏകദേശം 3680.99 കോടി രൂപയുടെ പഴയ നോട്ടുകളാണ്. കേന്ദ്ര വാര്ത്താവിതരണവകുപ്പ് മന്ത്രി മനോജ് സിന്ഹ ലോക് സഭയിലറിച്ചതാണ് ഇക്കാര്യം.
പഴയ 500, 1000ന്റെ കറണ്സി നോട്ടുകള്
നോട്ട് നിരോധനത്തിനു ശേഷം രാജ്യത്തെ പോസ്റ്റോഫീസുകളില് നിക്ഷേപിക്കപ്പെട്ട പഴയ കറണ്സി തുക 38,630.66 കോടി രൂപയോളം വരുമെന്നും അദ്ദേഹം സഭയില് നല്കിയ വാര്ത്താക്കുറിപ്പില് പറയുന്നു.
കൂടാതെ പഴയ 500 രൂപ നോട്ടുകള് തിരഞ്ഞെടുത്ത പെട്രോള് പമ്പുകളിലും, ടോള് ബൂത്തുകളിലും, എല്പിജി കേന്ദ്രങ്ങളിലുമൊക്കെ സ്വീകരിക്കുന്നതിന് ഗവണ്മെന്റ് അനുവദിച്ച കാലാവധി ഡിസംബര് 15ന് അര്ദ്ധരാത്രിയവസാനിച്ചു. പഴയ കറണ്സി നോട്ടുകള് മാറ്റാന് ജനങ്ങള്ക്ക് ഇനി ബാങ്കില് നിക്ഷേപിക്കുക എന്നൊരൊറ്റ മാര്ഗമേയുള്ളൂ. ഡിസംബര് 30നാണ് പഴയ 500, 1000 രൂപ നോട്ടുകളുടെ ആയുസ് തീരുന്നത്. അത് കഴിഞ്ഞാല് ഈ കറണ്സികള്ക്ക് വെറും പേപ്പറിന്റെ വില മാത്രമേയുണ്ടാവൂ.
Click it and Unblock the Notifications
Sign in with Google