രാജ്യത്തെ പ്രമുഖ സ്റ്റോക്ക് എക്സചേഞ്ചായ ബിഎസ്ഇ മ്യൂച്വല്‍ ഫണ്ട് വ്യാപാരം എളുപ്പമാക്കുന്നതിനായി പുതിയ ആപ്പ് പുറത്തിറക്കി. ബിഎസ്ഇ സ്റ്റാര്‍ എംഎഫ് യെന്ന് പേരിട്ടിരിക്കുന്ന ആപ്പ് ഗൂഗിള്‍ പ്ലേ സ്റ്റോറില്‍ നിന്നും ഡൗണ്‍ലോഡ് ചെയ്ത് ഉപയോഗിക്കാവുന്നതാണ്.

ആന്‍ഡ്രോയ്ഡ് മൊബൈല്‍ ഉപയോക്താക്കള്‍ക്കാണ് ആപ്പ് ഉപയോഗിക്കാന്‍ സാധിക്കുന്നത്. ഈ മൊബൈല്‍ ആപ്പിലൂടെ ഇനിമുതല്‍ ഫണ്ടുകള്‍ വാങ്ങുകയും വില്‍ക്കുകയും ചെയ്യാം. പ്രതിമാസം നാലു ലക്ഷം എസ്‌ഐപികള്‍ ബിഎസ്ഇ സ്റ്റാര്‍ എംഎഫ് കൈകാര്യം ചെയ്യുന്നുണ്ട്.

നിലവില്‍തന്നെ ബിഎസ്ഇ സ്റ്റാര്‍ എംഎഫ് എന്ന പേരില്‍ ഓണ്‍ലൈന്‍ പ്ലാറ്റ്ഫോമുണ്ട്. ഈ പ്ലാറ്റ് ഫോംവഴി നാല് ലക്ഷം എസ്ഐപി നിക്ഷേപമാണ് പ്രതിമാസം നടക്കുന്നത്.

അതേസമയം, കഴിഞ്ഞ വര്‍ഷം വിവിധ മ്യൂച്വല്‍ ഫണ്ട് പദ്ധതികളില്‍ നിക്ഷേപകര്‍ 2.86 ലക്ഷം കോടി രൂപയുടെ നിക്ഷേപം നടത്തി. 2015-ല്‍ ഇത് 1.77 ലക്ഷം കോടി രൂപയായിരുന്നുവെന്ന് അസോസിയേഷന്‍ ഓഫ് മ്യൂച്വല്‍ ഫണ്ട്‌സ് ഇന്‍ ഇന്ത്യ പറഞ്ഞു.