പ്രവാസി നിക്ഷേപത്തെ ആകര്ഷിക്കാന് വമ്പന് പദ്ധതിയുമായി കെഎസ്എഫ്ഇ. പ്രവാസികള്ക്ക് ഓണ്ലൈനായി ചിട്ടിയില് ചേരാനും ലേലം വിളിക്കാനും സാധിക്കുന്ന പദ്ധതിയില് ആദ്യ വര്ഷത്തില് മാത്രം രണ്ടു ലക്ഷം പ്രവാസികളെ പദ്ധതില് ചേര്ക്കാനാണ് ലക്ഷ്യമിടുന്നത്. ധനമന്ത്രി തോമസ് ഐസക് ആണ് ഇക്കാര്യം വ്യക്തമാക്കിയത്.
പദ്ധതിയുടെ സാങ്കേതിക പങ്കാളി
കിഫ്ബിയാണ് ഓണ്ലൈന് ചിട്ടിയുടെ സാങ്കേതിക പങ്കാളി. സോഫ്റ്റ് വെയര് അടക്കമുള്ള സാങ്കേതിക സഹായം കിഫ്ബിയുടെ നേതൃത്വത്തിലാണ് സജ്ജീകരിക്കുന്നത്. അതോടൊപ്പം കിഫ്ബി വഴി നടപ്പിലാക്കുന്ന പതിനായിരം കോടി രൂപയെങ്കിലും വരുന്ന ഒരു വന്പദ്ധതിയുടെ ബോണ്ടുകള് പൂര്ണ്ണമായും പ്രവാസി ചിട്ടി വഴി സമാഹരിക്കാനാണ് ഉദ്ദേശം. വെസ്റ്റേണ് യൂണിയന് തുടങ്ങിയ ഏതെങ്കിലും പേയ്മെന്റ് ഗേറ്റ് വേ വഴി പ്രവാസികള്ക്ക് തങ്ങളുടെ മാസത്തവണ അടയ്ക്കാം. ഇങ്ങനെ അടയ്ക്കുന്ന പണം മുഴുവനന് അപ്പപ്പോള് കെഎസ്എഫ്ഇയുടെ പേരില് കിഫ്ബിയുടെ പ്രവാസി ബോണ്ടുകളില് ഓട്ടോമാറ്റിക്കായി നിക്ഷേപിക്കപ്പെടും.
കോള് ഓപ്ഷന്
ചിട്ടി പിടിക്കുമ്പോഴോ നറുക്കുവീണ പണം പിന്വലിക്കുമ്പോഴോ ആവശ്യമുള്ള പണം പിന്വലിക്കാന് കെ.എസ്.എഫ്.ഇ.ക്ക് കോള് ഓപ്ഷന് ഉണ്ടാകും. മിച്ചമുള്ള ഫ്രീ ഫ്ളോട്ട് കിഫ്ബിയുടെ ബോണ്ടുകളില് കിടക്കും. പദ്ധതി നടപ്പിലാകുന്ന ഏതാനും വര്ഷം കൊണ്ട് ഇത്തരത്തില് 10,000 കോടി സമാഹരിക്കുന്നതിന് ബുദ്ധിമുട്ടുണ്ടാവില്ലെന്ന് കരുതാം.
2017 മെയ്, ജൂണ് മാസത്തിലെങ്കിലും ഈ പദ്ധതി ആരംഭിക്കേണ്ടതിന് കെഎസ്എഫ്ഇ തയ്യാറെടുത്തു കൊണ്ടിരിക്കുകയാണെന്നും മന്ത്രി വ്യക്തമാക്കി.
പ്രവാസികളുടെ ശ്രദ്ധയ്ക്ക്....നാട്ടില് നിന്ന് പണം വിദേശത്തേക്ക് കൊണ്ട് പോകാന് പറ്റുമോ?