വാറ്റിന്റെ ആദ്യഘട്ടം

ഒരു ലക്ഷം ഡോളര്‍ വരുമാനമുള്ള സ്ഥാപനങ്ങളാണ് ആദ്യഘട്ടത്തില്‍ വാറ്റ് നല്‍കേണ്ടത്. 1200 കോടി ദിര്‍ഹത്തിന്റെ വരുമാനമാണ് നികുതി ഇനത്തില്‍ യുഎഇ പ്രതീക്ഷിക്കുന്നത്.

വാറ്റില്‍ നിന്ന് ഒഴിവാക്കിയ മേഖലകള്‍

വിദ്യാഭ്യാസം, ബഹിരാകാശ ഗവേഷണം, ആരോഗ്യം, വെള്ളം, ഗതാഗതം, സാങ്കേതികം എന്നീ മേഖലകളെ വാറ്റില്‍ നിന്ന് ഒഴിവാക്കിയിട്ടുണ്ട്. കൂടുതല്‍ മേഖലകളെ നികുതിയില്‍ നിന്നൊഴിവാക്കുന്നത് നികുതി ചോര്‍ച്ചക്ക് കാരണമാകുമെന്ന് യുഎഇ ധനമന്ത്രാലയ വൃത്തങ്ങള്‍ അറിയിച്ചു.

എന്തുകൊണ്ടാണ് ഗള്‍ഫ് രാജ്യങ്ങള്‍ വാറ്റ് ഏര്‍പ്പെടുത്താന്‍ തീരുമാനിച്ചത്?

ക്രൂഡ് ഓയില്‍ വില കുറഞ്ഞതിനെ തുടര്‍ന്നുണ്ടായ സാമ്പത്തിക പ്രതിസന്ധി മറികടക്കുന്നതിനുള്ള നടപടികളുടെ ഭാഗമായാണ് വാറ്റ് ചുമത്താനുള്ള ഗള്‍ഫ് രാജ്യങ്ങളുടെ തീരുമാനം. എണ്ണ ഇതര വരുമാനം വര്‍ദ്ധിപ്പിക്കണമെന്ന് ലോക ബാങ്ക് ഗള്‍ഫ് രാജ്യങ്ങളോട് നിര്‍ദേശിച്ചിരുന്നു. യുഎഇക്ക് പുറമെ സൗദി അറേബ്യ, ഒമാന്‍, കുവൈറ്റ്, ബഹ്‌റിന്‍, ഖത്തര്‍ എന്നീ രാജ്യങ്ങളിലാണ് വാറ്റ് നികുതി ചുമത്തുന്നത്.