അപേക്ഷിച്ച ഉടന്‍ തന്നെ പാന്‍ കാര്‍ഡ് ലഭിക്കുന്നതിനുള്ള സംവിധാനം അധികം താമസിയാതെ എത്തും. ആധാര്‍ വഴിയുള്ള ഇ-കെവൈസി സംവിധാനമുപയോഗിച്ചാണ് തഝമയ പാന്‍ കാര്‍ഡ് വിതരണം സാധ്യമാക്കുന്നത്. വിരടയാളം ഉള്‍പ്പെടെയുള്ള രേഖകള്‍ സ്വീകരിച്ച് കൊണ്ടായിരിക്കും പാന്‍ തഝമയം തന്നെ വിതരണം ചെയ്യുക.

നിലവില്‍ പാന്‍ കാര്‍ഡ് ലഭിക്കുന്നതിന് 2 ദിവസം മുതല്‍ 2 ആഴ്ച്ചവരെ സമയമെടുക്കുന്നുണ്ട്. പുതിയ സംവിധാനം നിലവില്‍ വരുമ്പോള്‍ 5 മിനിറ്റിനുള്ളില്‍ പാന്‍ നമ്പര്‍ അപേക്ഷകന് ലഭിക്കും. താമസിയാതെ കാര്‍ഡും വിതരണം ചെയ്യും.

നികുതി മേഖലയില്‍ വലിയ മാറ്റങ്ങള്‍ക്കാണ് കേന്ദ്രപ്രത്യക്ഷ നികുതി ബോര്‍ഡ് തയ്യാറെടുക്കുന്നത്. നികുതി ഓണ്‍ലൈനായി അടയ്ക്കുന്നതിന് പ്രത്യേക ആപ്ലിക്കേഷന്‍ വികസിപ്പിച്ചുവരികയാണ്. ഇതുവരുന്നതോടെ സ്മാര്‍ട്ട് ഫോണുകള്‍ വഴി നികുതിയടയ്ക്കാനും സാധിക്കും. യുവാക്കളായ നികുതിദായകരെ ആകര്‍ഷിക്കാനാണ് പുതിയ സംവിധാനങ്ങളൊരുക്കുന്നത്.