പുതിയ ആയിരം രൂപാ നോട്ടുകള്‍ മാര്‍ച്ചില്‍ പുറത്തിറങ്ങും

ആയിരം രൂപയുടെ പുതിയ നോട്ട് മാര്‍ച്ചില്‍ പുറത്തിറക്കുമെന്ന് സൂചന. ആര്‍ബിഐ ഉന്നത ഉദ്യോഗസ്ഥനെ ഉദ്ധരിച്ച് ദേശീയ മാധ്യമങ്ങളാണ് ഈ കാര്യം റിപ്പോര്‍ട്ട് ചെയ്തത്. എന്നാല്‍ പുതിയ ആയിരം രൂപാ നോട്ടുകള്‍ ഔദ്യോഗികമായി പുറത്തിറക്കുന്നതെന്നാണെന്ന് വ്യക്തമല്ല.

പുതിയ ആയിരം രൂപയുടെ അച്ചടി നേരത്തെ തന്നെ ആരംഭിച്ചതാണെന്നും, ജനുവരിയില്‍ ഇത് പുറത്തിറക്കാനാണ് ഉദ്ദേശിച്ചിരുന്നതെന്നും ആര്‍ബിഐ ഉദ്യോഗസ്ഥര്‍ പറഞ്ഞു. എന്നാല്‍ നോട്ട് പിന്‍വലിക്കലിനെ തുടര്‍ന്നുണ്ടായ കറന്‍സി ക്ഷാമത്തെ മറികടക്കാന്‍ പുതിയ 500 രൂപാ നോട്ടുകള്‍ പുറത്തിറക്കേണ്ടത് അത്യാവശ്യമായിരുന്നതുകൊണ്ടാണ് ആയിരം രൂപാ നോട്ടുകളുടെ അച്ചടി വൈകിയതെന്നും ഉദ്യോഗസ്ഥര്‍ പറഞ്ഞതായാണ് റിപ്പോര്‍ട്ടുകള്‍.