രാജ്യാന്തര വിപണയില്‍ ക്രൂഡ് ഓയില്‍ വിലയിലുണ്ടായ വര്‍ധനവ് മൂലം രാജ്യത്ത് പാചക വാതകത്തിന്റെ വിലയും കൂടി. ഗാര്‍ഹിക ആവശ്യത്തിനുള്ള എല്‍പിജി സിലിണ്ടറിന് 91 രൂപയാണ് കൂടിയത്. ഇതോടെ 764.50 രൂപയാണ് ഒരു സിലിണ്ടറിന്റെ പുതുക്കിയ നിരക്ക്. വാണിജ്യ സിലിണ്ടറുകള്‍ക്ക് 148 രൂപയാണ് വര്‍ദ്ധിപ്പിച്ചിരിക്കുന്നത്. ഇതോടെ വാണിജ്യ ആവശ്യത്തിനുള്ള എല്‍പിജി സിലിണ്ടറിന്റെ വില 1388 രൂപയായി. പുതിയ നിരക്കുകള്‍ അര്‍ദ്ധരാത്രി മുതല്‍ നിലവില്‍ വന്നു.

ഒരു മാസത്തിനിടയിലെ രണ്ടാമത്തെ വിലവര്‍ദ്ധനവാണ് എല്‍പിജി സിലിണ്ടറുകള്‍ക്ക് ഇപ്പോള്‍ ഏര്‍പ്പെടുത്തിയത്. ഫെബ്രവരി അവസാനം സബ്സിഡിയില്ലാത്ത സിലിണ്ടറിന് 69.50 രൂപയും സബ്സിഡിയുള്ളവയ്ക്ക് 65.91 രൂപയും വര്‍ധിപ്പിച്ചതിനു പിന്നാലെയാണ് -

സബ്സിഡിയുള്ളവര്‍ക്ക് വില വര്‍ദ്ധന ബാധിക്കില്ല. വര്‍ദ്ധിച്ച വില അവരുടെ ബാങ്ക് അക്കൗണ്ടുകളില്‍ നിക്ഷേപിക്കുമെന്ന് ഏജന്‍സികള്‍ അറിയിച്ചു. വിലവര്‍ദ്ധനവ് ഉപഭോക്താക്കളെ ബാധിക്കില്ലെന്ന് കേന്ദ്ര സര്‍ക്കാരും വ്യക്തമാക്കി.

സബ്‌സിഡി സിലണ്ടറിന്റെ വര്‍ദ്ധിപ്പിച്ച തുക സബ്‌സിഡിയായിതന്നെ തിരികെ നല്‍കുമെന്നും പെട്രോളിയം മന്ത്രാലയം അറിയിച്ചു.