രാജ്യത്തെ മുന്നിര വിമാന കമ്പനിയായ ഇന്ഡിഗോ എയര്ലൈന്സ് ഷാര്ജയില് നിന്ന് ഇന്ത്യയിലേക്ക് വിമാന സര്വ്വീസുകള് ആരംഭിക്കുന്നു. മാര്ച്ച് 20ന് ഷാര്ജ അന്താരാഷ്ട്ര വിമാനത്താവളത്തില്നിന്ന് കോഴിക്കോട്ടേക്കാണ് ഇന്ഡിഗോയുടെ ആദ്യസര്വീസ്. ഏപ്രില് എട്ടിന് തിരുവനന്തപുരത്തേക്കുള്ള പ്രതിദിന സര്വീസിന് തുടക്കമാകുമെന്നും ചീഫ് കൊമേഴ്സ്യല് ഓഫീസര് സഞ്ജയ് കുമാര് ഷാര്ജയില് നടന്ന പത്രസമ്മേളനത്തില് പറഞ്ഞു. അന്താരാഷ്ട്ര തലത്തില് ഇന്ഡിഗോ സര്വീസ് നടത്തുന്ന ആറാമത്തെ ഡെസ്റ്റിനേഷനാണ് ഷാര്ജ.
രാവിലെ 6.05ന് കോഴിക്കോട്ടുനിന്ന് പുറപ്പെടുന്ന വിമാനം 8.20ന് ഷാര്ജയിലെത്തും. 243 ദിര്ഹമാണ് ടിക്കറ്റ് നിരക്ക്. തുടര്ന്ന് രാത്രി 9.20ന് ഷാര്ജയില്നിന്ന് തിരികെ കോഴിക്കോട്ടേക്ക് പുറപ്പെടും. 245 ദിര്ഹമാണ് നിരക്ക്. യുഎഇല് നിന്നുള്ള ഇന്ഡിഗോയുടെ രണ്ടാമത്തെ സര്വ്വീസാണ് കോഴിക്കോട്ടേക്ക് ആരംഭിക്കാനൊരുങ്ങുന്നത്.
തിരുവനന്തപുരത്തുനിന്ന് ഷാര്ജയിലേക്കുള്ള വിമാനം രാത്രി 10.20-ന് പുറപ്പെടും. പിറ്റേന്ന് വെളുപ്പിന് രണ്ടിന് ഷാര്ജയില്നിന്ന് തിരികെയുള്ള യാത്ര തുടങ്ങും. യഥാക്രമം 242, 245 ദിര്ഹം വീതമാണ് നിരക്ക്.
സാലറി സ്ലിപ്പ് ഒരു സുപ്രധാന രേഖയാണ്, തീര്ച്ചയായും അത് സൂക്ഷിച്ച് വയ്ക്കണം