ആദായ നികുതി റിട്ടേണ് സമര്പ്പിക്കുന്നതിനും പാന് കാര്ഡിന് അപേക്ഷിക്കാനും ആധാര് നിര്ബന്ധമാക്കും. ധനകാര്യബില്ലില് അവതരിപ്പിച്ച ഭേദഗതിയിലാണ് ശുപാര്ശ. ഈ വര്ഷം ജൂലൈ ഒന്നുമുതല് ഇത് നടപ്പാക്കാനാണ് കേന്ദ്ര സര്ക്കാര് ആലോചിക്കുന്നത്. ആദായ നികുതി റിട്ടേണ് സമര്പ്പിക്കുന്നവരില് ആധാര് ഉള്ളവര് നല്കിയാല് മതിയെന്നായിരുന്നു ഇതുവരെയുള്ള നിര്ദ്ദേശം.
നികുതി അടക്കുന്നതിന് മൊബൈല് ആപ്പ് പുറത്തിറക്കുമെന്ന് ആദായനികുതി വകുപ്പ് നേരത്തെ വ്യക്തമാക്കിയിരുന്നു. ആധാര് കാര്ഡ് അടിസ്ഥാനമാക്കി പാന് നമ്പര് നല്കുന്നത് പരിഗണനയിലാണെന്ന് മാര്ച്ച് 10ന് കേന്ദ്ര ധനസഹമന്ത്രി സന്തോഷ് കുമാര് ഗാംഗ്വാര് ലോക്സഭയില് വിശദീകരിച്ചിരുന്നു.
ധനബില്ലിലെ ഭേദഗതികള് പാര്ലമെന്റില് ശ്രമകരമല്ലാതെ പാസാക്കുന്നതിനു വേണ്ടിയാണ് പദ്ധതി നടപ്പാക്കുന്നത് സര്ക്കാര് ജൂലൈയിലേക്കു നീട്ടിയത്. ധനബില്ലിന് ലോക്സഭയുടെയും രാജ്യസഭയുടെയും അനുമതി നിര്ബന്ധമാണ്. പുതിയ ബില് പ്രാബല്യത്തില് വരുന്നതോടെ ആധാര് കാര്ഡുമായി ബന്ധപ്പെടുത്തിയിട്ടില്ലാത്ത പാന് കാര്ഡുകള് അസാധുവാകും. ശമ്പളമടക്കമുള്ള പണമിടപാടുകള്ക്ക് പാന് കാര്ഡ് നിര്ബന്ധമാണ്.
രാജ്യത്ത് ഇതുവരെ 111 കോടി ആധാര് കാര്ഡുകള് നല്കിയിട്ടുണ്ട്. എല്ലാ വര്ഷവും രണ്ടര കോടി ജനങ്ങള് പാന് കാര്ഡിന് അപേക്ഷിക്കുന്നതായാണ് കേന്ദ്ര സര്ക്കാറിന്റെ കണക്കുകള്. 25 കോടി പാന് കാര്ഡുകളാണ് രാജ്യത്തുള്ളത്.
ആധാര് കാര്ഡ് എടുക്കേണ്ടത് എങ്ങനെയെന്ന് അറിയാമോ?ആധാറിനെ കുറിച്ച് അറിയേണ്ടതെല്ലാം