Click it and Unblock the Notifications
ലോകത്തിലെ ഏറ്റവും ജീവിതച്ചിലവ് കുറഞ്ഞ നഗരങ്ങളില് ബാംഗ്ലൂര് മൂന്നാമത്
ലോകത്തെ ജീവിതച്ചിലവ് ചുരുങ്ങിയ പത്തുനഗരങ്ങളില് നാലെണ്ണം ഇന്ത്യയില്.
ലോകത്തെ ജീവിതച്ചിലവ് ചുരുങ്ങിയ പത്തുനഗരങ്ങളില് നാലെണ്ണം ഇന്ത്യയില്. ബാംഗ്ലൂര് (മൂന്നാം സ്ഥാനം), ചെന്നൈ (ആറ്), മുംബൈ (ഏഴ്), ന്യൂഡല്ഹി (10) എന്നീ ഇന്ത്യന് നഗരങ്ങളാണ് ഇക്കണോമിക് ഇന്റലിജന്സ് യൂണിറ്റ് (ഇഐയു) പുറത്തുവിട്ട പട്ടികയില് ഇടംപിടിച്ചത്. ഒന്നാംസ്ഥാനം കസാഖ്സ്താനിലെ ആല്മാട്ടിക്കാണ്.
സിംഗപ്പൂര് ആണ് ലോകത്തെ ഏറ്റവും ചിലവേറിയ നഗരം. തുടര്ച്ചയായ നാലാം വര്ഷമാണ് ലോകത്തെ ജീവിതച്ചിലവേറിയ നഗരമായി സിംഗപ്പൂര് തിരഞ്ഞെടുക്കപ്പെടുന്നത്. ഹോങ്കോങ്ങും സൂറിക്കുമാണ് രണ്ടും മൂന്നും സ്ഥാനങ്ങള്. ടോക്കിയോ, ഒസാക്ക, സോള്, ജനീവ, പാരിസ്, ന്യൂയോര്ക്, കോപ്പന്ഹേഗന് എന്നിവയാണ് തുടര്ന്നുള്ള സ്ഥാനങ്ങളില്. ന്യൂയോര്ക്ക് മാത്രമാണ് ഈ ഗണത്തില് ആദ്യപത്തിലുള്ള അമേരിക്കന് നഗരം.
ഇന്ത്യയിലെ സാമ്പത്തിക അസമത്വമാണ് ചില നഗരങ്ങളില് ജീവിതച്ചെലവ് കുറയാനുള്ള പ്രധാന കാരണമെന്നും ഇത് നല്ല പ്രവണതയല്ലെന്നും ഇക്കണോമിക് ഇന്റലിജന്സ് യൂണിറ്റ് പുറത്തിറക്കിയ റിപ്പോര്ട്ടില് പറയുന്നു.
Sign in with Google