ചെറുകിട നിക്ഷേപങ്ങള്ക്കുള്ള പലിശ നിരക്ക് കുറച്ചു. പിപിഎഫ്, കിസാന് വികാസ് പത്ര, സുകന്യ സമൃദ്ധി തുടങ്ങിയ ചെറു നിക്ഷേപ പദ്ധതികളുടെ പലിശ നിരക്കുകളാണ് സര്ക്കാര് കുറച്ചത്. നിലവിലുള്ള നിരക്കുകളില്നിന്ന് 0.1 ശതമാനമാണ് കുറവ് വരുത്തിയിട്ടുള്ളത്. ഏപ്രില്-ജൂണ് കാലയളവിലേതാണ് പുതിയ പലിശ. കേന്ദ്ര ധനകാര്യ മന്ത്രാലയം പുറത്തിറക്കിയ വിജ്ഞാപനത്തിലാണ് ഇക്കാര്യം വ്യക്തമാക്കുന്നത്. ഏപ്രില് ഒന്നുമുതലാണ് പുതിയ നിരക്കുകള് പ്രാബല്യത്തില് വരുന്നത്.
പബ്ലിക് പ്രൊവിഡന്റ് ഫണ്ടിന്റെ പലിശ ഇതോടെ 7.9 ശതമാനമായി മാറും. നിലവില് പിപിഎഫ് പലിശ എട്ട് ശതമാനമായിരുന്നു. സുകന്യ സമൃദ്ധിയുടെ പലിശ 8.4 ശതമാനമായും കിസാന് വികാസ് പത്രയുടേത് 7.6 ശതമാനമായും സീനിയര് സിറ്റിസണ്സ് സേവി സ്കീമിന്റേത് 8.4ശതമാനമായും കുറയും.
നിലവില് മൂന്ന് മാസത്തിലൊരിക്കലാണ് ചെറു നിക്ഷേപ പദ്ധതികളുടെ പലിശ നിരക്കുകള് പരിഷ്കരിക്കുന്നത്. നേരത്തെ സാമ്പത്തികവര്ഷത്തില് ഒരുതവണമാത്രമായിരുന്നു.
സ്വപ്ന ഭവനം സ്വന്തമാക്കാം, കരുതലോടെ; ഭവന വായ്പയെക്കുറിച്ച് എല്ലാം അറിയാം