Click it and Unblock the Notifications
ഇനി ബിഎസ്എന്എല് തരംഗം, പ്രതിദിനം 10ജിബി ഡാറ്റയും സൗജന്യ കോളുകളും
പ്രതിമാസം 249 രൂപയുടെ റീച്ചാര്ജിലൂടെ പ്രതിദിനം 10 ജി ബി ഡാറ്റയാണ് ബ്രോഡബാന്ഡ് ഉപഭോക്താകള്ക്കായി ബി എസ് എന് എല് നല്കുന്നത്.
രാജ്യത്തെ ടെലികോം മേഖലയൊട്ടാകെ പിടിച്ചു കുലുക്കിയ റിലയന്സ് ജിയോ തങ്ങളുടെ സൗജന്യ സേവനങ്ങള് ഓരോന്നായി പിന്വലിക്കാന് തുടങ്ങിയപ്പോള് തകര്പ്പന് ഓഫറുകളുമായി ബി എസ് എന് എല് കളം പിടിക്കുന്നു. പ്രതിമാസം 249 രൂപയുടെ റീച്ചാര്ജിലൂടെ പ്രതിദിനം 10 ജി ബി ഡാറ്റയാണ് ബ്രോഡബാന്ഡ് ഉപഭോക്താകള്ക്കായി ബി എസ് എന് എല് നല്കുന്നത്.
അതോടൊപ്പം രാവിലെ ഒമ്പത് മണി മുതല് രാത്രി ഏഴ് വരെയുള്ള എല്ലാ കോളുകളും സൗജന്യമായി ലഭിക്കുകയും ചെയ്യും. കൂടാതെ ഞായറാഴ്ചകളിലെ കോളുകള് പരിപൂര്ണ്ണ സൗജന്യമായിരുന്നത് തുടര്ന്നും ലഭ്യമാകും. ബ്രോഡ്ബാന്ഡ് സേവനം നല്കുന്നവരില് ഏറവും മികച്ച ഓഫര് നല്കുന്നത് ബി എസ് എന് എല് മാത്രമാണെന്ന് കമ്പനി ഡയറക്ടര് എന് കെ ഗുപ്ത പറഞ്ഞു.
ജിയോ സൗജന്യ സേവനങ്ങള് അവസാനിച്ചു
റിലയന്സ് ജിയോ നല്കുന്ന സൗജന്യ സേവനങ്ങള് മാര്ച്ച് 31ന് അവസാനിച്ചു. കഴിഞ്ഞ ആറ് മാസത്തോളമായി ജിയോ സൗജന്യ സേവനം തുടര്ന്ന് വരികയായിരുന്നു. ഇനി മുതല് 149 രൂപ മുതലുള്ള ജിയോയുടെ വിവിധ പ്ലാനുകള് എടുത്ത് കമ്പനിയുടെ സേവനങ്ങള് തുടരാവുന്നതാണ്.
Sign in with Google