ഓഫ‍ർ രണ്ട് ദിവസത്തേയ്ക്ക് കൂടി

ജെറ്റ് എയർവേസിന്റെ സ്പെഷ്യൽ ഓഫർ രണ്ട് ദിവസത്തേയ്ക്ക് കൂടി നീട്ടി. ജൂൺ 11 വരെ ഈ ഓഫർ നിരക്കിൽ ടിക്കറ്റ് ലഭിക്കും. ജൂൺ 27 മുതൽ സെപ്തംബർ 20 വരെയുള്ള യാത്രകൾ ഈ നിരക്കിൽ ബുക്ക് ചെയ്യാവുന്നതാണ്. കുട്ടികൾക്കുള്ള ഇളവുകൾ, തീയതി മാറ്റം, യാത്രാ നിയന്ത്രണം എന്നിവ ഈ ടിക്കറ്റുകൾക്കും ബാധകമാണ്. ജൂൺ ഏഴിന് ആരംഭിച്ചതാണ് ജെറ്റ് എയർവേസിന്റെ ഈ സ്പെഷ്യൽ ഓഫർ.

എയർ ഏഷ്യയിൽ 1099 രൂപയ്ക്ക് ടിക്കറ്റ്

സമാന രീതിയിൽ എയർ ഏഷ്യയും ഓഫറുകൾ പ്രഖ്യാപിച്ചിട്ടുണ്ട്. ചില റൂട്ടികളിലേയ്ക്ക് മാത്രമുള്ള വൺവേ ടിക്കറ്റുകൾക്കാണ് എയർ ഏഷ്യ ഓഫർ നൽകിയിരിക്കുന്നത്. 1099 രൂപയാണ് ഇതിന്റെ ഓഫ‍ർ നിരക്ക്. അടുത്ത വർഷം ജനുവരി 15നും ആ​ഗസ്റ്റ് 28നും ഇടയിലുള്ള ടിക്കറ്റുകളാണ് ഈ നിരക്കിൽ ലഭിക്കുക. ജൂൺ 11 വരെയാണ് ഈ ഓഫറുള്ളത്.

ഇൻഡി​ഗോ ടിക്കറ്റിന് 899 രൂപ

കഴിഞ്ഞ ദിവസം ഇൻഡിഗോ 899 രൂപയ്ക്ക് വിമാന ടിക്കറ്റുകൾ വിതരണം ചെയ്തിരുന്നു. സ്പൈസ് ജെറ്റ്, എയർ ഇന്ത്യ, ഗോ എയർ എന്നീ കമ്പനികളും അടുത്തിടെ ഡിസ്കൗണ്ട് നിരക്കുകളിൽ ടിക്കറ്റുകൾ വാഗ്ദാനം ചെയ്തിരുന്നു.