സ്വർണവില വീണ്ടും കുറഞ്ഞു. 21800 രൂപയാണ് പവന്റെ വില. ഗ്രാമിന് 10 രൂപ കുറഞ്ഞു. തുടർച്ചയായ മൂന്നാം ദിവസമാണ് സ്വർണവിലയിൽ കുറവുണ്ടാകുന്നത്.

ബുധനാഴ്ച പവന് 22120 രൂപയായിരുന്നു സ്വർണവില. എന്നാൽ മൂന്ന് ദിവസം കൊണ്ട് 320 രൂപയുടെ കുറവാണുണ്ടായിരിക്കുന്നത്.

വെള്ളിയാഴ്ച പവന് 160 രൂപയുടെ കുറവുണ്ടായിരുന്നു. ഇന്ന് 80 രൂപ കുറഞ്ഞാണ് 21800 രൂപയ്ക്ക് കച്ചവടം പുരോഗമിക്കുന്നത്. ഈ മാസത്തെ ഏറ്റവും കുറഞ്ഞ നിരക്കാണിത്.

അന്താരാഷ്ട്ര വിപണിയിലുണ്ടായ വ്യതിയാനമാണ് ആഭ്യന്തര വിപണിയിലും പ്രതിഫലിച്ചത്. മേയ് അവസാനവും 21800 രൂപയായിരുന്നു സ്വർണത്തിന്റെ വില.