ബിവറേജിൽ നിന്ന് ഇനി കാർഡ് ഉപയോഗിച്ചും മദ്യം വാങ്ങാം. ബെവ്കോയുടെ മുഴുവൻ മദ്യശാലകളിൽ നിന്നും ഇനി കാർഡ് ഉപയോഗിച്ച് മദ്യം വാങ്ങാനാകും. ഇതിനായി സ്വൈപ്പിംഗ് മെഷീൻ വാങ്ങാൻ കരാർ ക്ഷണിച്ചു കഴിഞ്ഞു.

ആദ്യഘട്ടത്തിൽ 50 പ്രീമിയം മദ്യ വിൽപ്പനശാലകളിലാണ് മെഷീൻ ഏർപ്പെടുത്തുന്നത്. പിന്നീട് എല്ലായിടങ്ങളിലേയ്ക്കും വ്യാപിപ്പിക്കും. നോട്ടുരഹിത ഇടപാടിലൂടെ മദ്യ വിൽപ്പന നടത്താൻ സർക്കാർ അനുമതി നൽകിയതിനെ തുടർന്നാണ് തീരുമാനം.

ബാറുകളിൽ വിൽക്കുന്ന മദ്യത്തിന്റെ വിലയ്ക്ക് പരിധി നിശ്ചയിക്കാനും സർക്കാർ തലത്തിൽ ആലോചനകൾ നടക്കുന്നുണ്ട്. ബാറുടമകൾ ചേർന്ന് മദ്യത്തിന്റെ വില തോന്നിയതുപോലെ നിശ്ചയിച്ചാൽ അത് മദ്യനയത്തിന് തന്നെ തിരിച്ചടിയാകും. അതിനാലാണ് സർക്കാർ തലത്തിൽ ഇങ്ങനെയൊരു ചർച്ച നടക്കുന്നത്.

ബിവറേജസ് കോർപ്പറേഷന് വർഷം 12134 കോടി രൂപയാണ് വരുമാനം. ഇതിൽ 9900 കോടി രൂപയും ചില്ലറ മദ്യവിൽപ്പനശാലകളിൽ നിന്ന് ലഭിക്കുന്നതാണ്.

malayalam.goodreturns.in