വിമാനത്തിൽ പറക്കാൻ ആഗ്രഹമുള്ളവർക്ക് ഇതാ ഒരു സുവർണാവസരം. ഇൻഡിഗോയിലും സ്പൈസ്ജെറ്റിലും മൺസൂൺ സ്പെഷ്യൽ ഓഫറുകൾ. 799 രൂപ മുതൽ വിമാനടിക്കറ്റുകൾ ലഭ്യമാണ്.
ഇൻഡിഗോ ഓഫർ ജൂൺ 14 വരെ
ഇൻഡിഗോ മൺസൂൺ സ്പെഷ്യൽ ഓഫർ സെയ്ൽ പ്രഖ്യാപിച്ചു കഴിഞ്ഞു. ജൂൺ 14 വരെ ആവശ്യക്കാർക്ക് ബുക്ക് ചെയ്യാവുന്നതാണ്. തിരഞ്ഞെടുക്കപ്പെട്ട എല്ലാ സ്ഥലങ്ങളിലേയ്ക്കും 899 രൂപയ്ക്ക് യാത്ര ചെയ്യാം. എല്ലാ ചാർജുകളും ഉൾപ്പെടെയാണ് 899 രൂപ.
യാത്ര എവിടേയ്ക്ക്?
അഗർത്തല, അഹമ്മദാബാദ്, അമൃത്സർ, ബാഗ്ഡോഗ്ര, ബംഗളുരു, ഭുവനേശ്വർ, ചണ്ഡീഗഡ്, ചെന്നൈ, കോയമ്പത്തൂർ, ഡെറാഡൂൺ, ഡൽഹി, ഗോവ, ഗുവാഹത്തി, ഹൈദരാബാദ്, ഇംഫാൽ, ഇൻഡോർ, ജയ്പൂർ, ജമ്മു, കൊച്ചി, കൊൽക്കത്ത, മംഗലാപുരം, മുംബൈ, നാഗ്പൂർ, പട്ന, പോർട്ട് ബ്ലെയർ, പുണെ, റായ്പുർ, റാഞ്ചി, ശ്രീനഗർ, തിരുവനന്തപുരം, ഉദയ്പുർ, വഡോദര, വാരാണസി, വിശാഖപട്ടണം എന്നിവിടങ്ങളിൽ നിന്നെല്ലാം ഇൻഡിഗോയുടെ നോൺ സ്റ്റോപ്പ് വിമാനങ്ങൾ ലഭ്യമാണ്.
പണം മടക്കി നൽകില്ല
ആദ്യം ബുക്ക് ചെയ്യുന്നവർക്ക് ആദ്യം എന്ന ക്രമത്തിലാണ് ടിക്കറ്റുകൾ ലഭിക്കുക. കൂടാതെ ടിക്കറ്റിനായി ബുക്ക് ചെയ്യുന്ന പണം തിരികെ ലഭിക്കില്ല. ജൂലായ് 1നും 2017 സെപ്തംബർ 30നും ഇടയിൽ യാത്ര ചെയ്യുന്നവർക്ക് ഈ നിരക്കിൽ ടിക്കറ്റുകൾ ബുക്കു ചെയ്യാവുന്നതാണ്.
സ്പൈസ് ജെറ്റിൽ 799 രൂപയുടെ ടിക്കറ്റ്
കുറഞ്ഞ നിരക്കിൽ വിമാനയാത്ര ഒരുക്കുന്ന സ്പൈസ്ജെറ്റ് ഇൻഡിഗോയേക്കാൾ കൂടിയ ഓഫറാണ് നൽകിയത്. എല്ലാ ചാർജുകളുമടക്കം 799 രൂപയുടെ ടിക്കറ്റുകളാണ് കമ്പനി വിതരണം ചെയ്തത്. ഇന്നലെയായിരുന്നു ഈ നിരിക്കിൽ ടിക്കറ്റുകൾ ലഭിക്കുന്ന അവസാന തീയതി. ജൂൺ 26 മുതൽ സെപ്തംബർ 14 വരെയുള്ള ടിക്കറ്റുകളാണ് സ്പൈസ്ജെറ്റ് വിറ്റഴിച്ചത്.
ബുക്കിംഗ്
ഇത്തരം ഓഫറുകൾ എല്ലാ ബുക്കിംഗ് ചാനലുകൾ വഴിയും ലഭ്യമാണ്. ഇൻഡിഗോ വെബ്സൈറ്റിന്റെ നിലവിലെ കണക്കനുസരിച്ച് ബാഗ്ഡോഗ്ര -ഗുവാഹട്ടി റൂട്ടിൽ ടിക്കറ്റ് നിരക്ക് 899 രൂപയാണ്. മറ്റു റൂട്ടുകളിൽ ടിക്കറ്റ് നിരക്ക് കൂടുതലാണ്. എന്നിരുന്നാലും, മറ്റ് മാസങ്ങളുമായി താരതമ്യം ചെയ്യുമ്പോൾ രണ്ട് വെബ്സൈറ്റുകളിലും ടിക്കറ്റ് നിരക്കുകൾ വളരെ കുറവാണ്.
46 സ്ഥലങ്ങളിലേയ്ക്ക് സർവ്വീസ്
2017 ഫെബ്രുവരിയിലെ കണക്കനുസരിച്ച് രാജ്യത്തെ ഏറ്റവും വലിയ പാസഞ്ചർ വിമാനക്കമ്പനികളിലൊന്നായ ഇൻഡിഗോയുടെ മാർക്കറ്റ് ഷെയർ 39.5 ശതമാനമാണ്. ഗുഡ്ഗാവ് ആസ്ഥാനമായ ഈ വിമാനക്കമ്പനിക്ക് 46 സ്ഥലങ്ങളിലേയ്ക്ക് സർവ്വീസുണ്ട്. ഇതിൽ 39 ആഭ്യന്തര സർവ്വീസുകളും 7 അന്താരാഷ്ട്ര സർവീസുകളുമുണ്ട്.
malayalam.goodreturns.in