ഉപഭോക്താക്കൾക്കായി ബിഎസ്എൻഎല്ലിന്റെ പുതിയ ഓഫ‍ർ. 444 രൂപയ്ക്ക് 90 ദിവസത്തേയ്ക്ക് അൺലിമിറ്റഡ് ഡാറ്റാ. ബിഎസ്എൻഎല്ലിന്റെ പ്രൊമോഷണൽ ഓഫറാണിത്. പ്രീപെയ്ഡ് ഉപഭോക്താക്കൾക്ക് മാത്രമേ ഈ ഓഫർ ലഭിക്കുകയുള്ളൂ.

എസ്ടിവി 333 രൂപ ട്രിപ്പിൾ എസിഇ പ്ലാൻ വിജയകരമായതിന് പിന്നാലെയാണ് എസ്ടിവി 444 പ്ലാനുമായി ബിഎസ്എൻഎൽ എത്തിയിരിക്കുന്നത്. 444 രൂപയ്ക്ക് ഓഫർ ചെയ്താൽ 4 ജിബി വരെ അൺലിമിറ്റഡ് ഡാറ്റയാണ് ലഭിക്കുക. 90 ദിവസം വരെ വാലിഡിറ്റിയുമുണ്ട്.

ഇന്ത്യൻ ടെലികോം വ്യവസായത്തിന്റെ ഇപ്പോഴത്തെ പ്രവണത കണക്കിലെടുത്താണ് ബിഎസ്എൻഎല്ലും ഉപഭോക്താക്കൾക്ക് മികച്ച ഓഫറുകൾ വാഗ്ദാനം ചെയ്യുന്നതെന്ന് ബി.എസ്.എൻ.എൽ ബോർഡ് ഡയറക്ടർ ആർ.കെ.മിത്തൽ പറഞ്ഞു.

റിലയൻസ് ജിയോയാണ് ടെലികോം മേഖലയിൽ മാറ്റത്തിന് തുടക്കും കുറിച്ചത്. ജിയോ കുറഞ്ഞ വിലയ്ക്ക് കൂടുതൽ ഡേറ്റ നൽകാൻ തുടങ്ങിയതോടെ മറ്റ് കമ്പനികൾക്കും കൂടുതൽ ഓഫറുകൾ നൽകേണ്ടി വന്നു. ജിയോയുടെ ധൻ ധാന ധൻ പ്ലാനിലൂടെ 309 1 ജിബി ഡാറ്റയും 509 രൂപയ്ക്ക് 2 ജിബി ഡാറ്റയുമാണ് ഉപഭോക്താക്കൾക്ക് ലഭിക്കുന്നത്. മറ്റ് ടെലികോം കമ്പനികളായ ഐഡിയ, എയർടെൽ, വൊഡാഫോൺ തുടങ്ങിയവയും ഡാറ്റ താരിഫുകൾ കുറച്ചിട്ടുണ്ട്.

malayalam.goodreturns.in