യാത്രാ കാലാവധി

ജൂലൈ ഒന്നിനും സെപ്തംബർ 20നും ഇടയിൽ യാത്ര ചെയ്യാനുള്ള ടിക്കറ്റുകളാണ് ഈ ഓഫർ നിരക്കിൽ ലഭിക്കുക. എന്നാൽ സീറ്റുകളുടെ എണ്ണം കമ്പനി വ്യക്തമാക്കിയിട്ടില്ല. ആദ്യം ബുക്ക് ചെയ്യുന്നവർക്ക് ആദ്യം ടിക്കറ്റ് എന്നതാണ് കമ്പനിയുടെ പോളിസി.

ബുക്ക് ചെയ്യേണ്ടത് എങ്ങനെ?

എയർ ഇന്ത്യ ബുക്കിങ് ഓഫീസുകൾ, വെബ്സൈറ്റ്, മൊബൈൽ ആപ്ലിക്കേഷൻ, അംഗീകൃത ട്രാവൽ ഏജൻസികൾ എന്നിവയിലൂടെ ടിക്കറ്റുകൾ ബുക്ക് ചെയ്യാം. ആഭ്യന്തര നെറ്റ് വർക്കിലെ തിരഞ്ഞെടുത്ത മേഖലകളിലേയ്ക്കുള്ള ഫ്ലൈറ്റുകൾക്ക് മാത്രമാണ് ഓഫർ ലഭിക്കുക.

എയർ ഏഷ്യയിൽ 1499 രൂപയ്ക്ക് ടിക്കറ്റ്

മറ്റൊരു വിമാനക്കമ്പനിയായ എയർ ഏഷ്യയിൽ 1,499 രൂപയുടെ ടിക്കറ്റ് നിരക്കുകളാണ് പ്രഖ്യാപിച്ചിരിക്കുന്നത്. ജൂൺ 25 വരെ ടിക്കറ്റുകൾ ബുക്ക് ചെയ്യാം. ജൂലൈ 9 മുതൽ സെപ്തംബർ 30 വരെയുള്ള ടിക്കറ്റുകളാണ് ഈ നിരക്കിൽ ലഭിക്കുക.

ഓഫ‍ർ പെരുമഴ

മൺസൂൺ സീസണിൽ നിരവധി പ്രമോഷണൽ സ്കീമുകളുമായി പല വിമാനക്കമ്പനികളും രം​ഗത്തെത്തിയിരുന്നു. ജൂലൈ - സെപ്തംബർ മാസങ്ങളിലെ യാത്രകൾക്കായി നിരവധി പേർ ഈ ഓഫറുകൾ ഉപയോ​ഗപ്പെടുത്തുകയും ചെയ്തു.

27 ശതമാനം വളർച്ച

വിമാനക്കമ്പനികൾ കൂടുതൽ ഓഫറുകളും ഡിസ്കൗണ്ടുകളും നൽകിയതോടെ കഴിഞ്ഞ വർഷത്തെ അപേക്ഷിച്ച് വിമാന സർവീസ് മേഖലയിൽ 27 ശതമാനം വളർച്ചയാണ് ഉണ്ടായിരിക്കുന്നത്. പ്രമോഷണൽ സ്കീമിന്റെ ഭാ​ഗമായി അടുത്തിടെ സ്പൈസ് ജെറ്റ് 799 രൂപയുടെ ടിക്കറ്റുകളും ഇൻഡി​ഗോ 899 രൂപ മുതലുള്ള ടിക്കറ്റുകളും വാ​ഗ്ദാനം ചെയ്തിരുന്നു.