എന്താണ് ജിഎസ്ടി? ഇനി ബി​ഗ് ബി പറയും

ബോളിവുഡ് സൂപ്പർതാരം അമിതാഭ് ബച്ചൻ ചരക്കുസേവന നികുതിയുടെ ബ്രാൻഡ് അംബാസിഡറാകുന്നു. ജൂലൈ ഒന്നിന് ജിഎസ്ടി പ്രാബല്യത്തിൽ വരാനിരിക്കെ പ്രചാരകനായി കേന്ദ്രമന്ത്രാലയം നിയമിച്ചിരിക്കുന്നത് ബിഗ് ബിയെയാണ്.

സെൻട്രൽ ബോർഡ് ഓഫ് എക്സൈസ് ആൻഡ് കസ്റ്റംസാണ് 74കാരനായ ബച്ചനെ ബ്രാൻഡ് അംബാസിഡർ ആക്കിയിരിക്കുന്നത്. പ്രമോഷന്റെ ഭാഗമായി 40 സെക്കന്റ് ദൈർഘ്യമുള്ള ഒരു വീഡിയോയും ചിത്രീകരിച്ചിട്ടുണ്ട്.

കേന്ദ്രമന്ത്രാലയം തന്നെ വീഡിയോ ട്വീറ്റ് ചെയ്തിട്ടുണ്ട്. ജിഎസ്ടി ആൻ ഇനീഷ്യേറ്റീവ് ടു ക്രിയേറ്റ് എ യൂണിഫൈഡ് നാഷണൽ മാർക്കറ്റ് എന്നാണ് വീഡിയോയുടെ തലക്കെട്ട്.

ബാഡ്മിനറൺ താരം പി.വി സിന്ധുവിനെ നായികയാക്കി സർക്കാ‍ർ നേരത്തേ തന്നെ ജിഎസ്ടി പ്രചാരണം നടത്തി വരുന്നുണ്ട്. ഇതിന് പിന്നാലെയാണ് ബിഗ് ബി എത്തിയിരിക്കുന്നത്.