ചെറു ബാങ്കുകളായ വിജയ ബാങ്കും ദേന ബാങ്കും കാനറാ ബാങ്കിൽ ലയിക്കാൻ സാധ്യത. ഇതു സംബന്ധിച്ച ച‍ർച്ചകൾ തുടങ്ങിയതായാണ് സൂചന. പാ‍ർലമെന്റിന്റെ മൺസൂൺ സെഷൻ കഴിഞ്ഞ് ഓ​ഗസ്റ്റോടെ നി‍ർദ്ദേം മുന്നോട്ട് വയ്ക്കാനാണ് നീക്കം.

7,000 ശാഖകളുള്ള കാനറാ ബാങ്ക് രാജ്യത്തെ നാലാമത്തെ വലിയ ബാങ്കാണ്. എസ്ബിഐ, ബാങ്ക് ഓഫ് ബറോഡ, പഞ്ചാബ് നാഷണൽ ബാങ്ക് എന്നിവയ്ക്കുശേഷമാണ് കാനറ ബാങ്കിന്റെ സ്ഥാനം.

വിജയബാങ്കും ദേന ബാങ്കും ലയിച്ചതിന് ശേഷമാകും കാനറാ ബാങ്ക് ഏറ്റെടുക്കുക. ഇതുകൂടാതെ ഇന്ത്യൻ ബാങ്ക്, ഇന്ത്യൻ ഓവർസീസ് ബാങ്ക്, സിൻഡിക്കേറ്റ് ബാങ്ക് തുടങ്ങിയ ബാങ്കുകളും ലയിക്കാൻ സാധ്യതയുണ്ടെന്നാണ് ഔദ്യോ​ഗിക വ‍‍ൃത്തങ്ങളിൽ നിന്നുള്ള വിവരം.

മാർച്ച് പകുതിയോടെ ദേന ബാങ്ക് 575.26 കോടി രൂപയുടെ നഷ്ടം നേരിട്ടു. എന്നാൽ വിജയ ബാങ്ക് കഴിഞ്ഞ സാമ്പത്തിക വർഷം 204 കോടി ലാഭമുണ്ടാക്കിയിരുന്നു.

malayalam.goodreturns.in