ബിഎസ്എൻഎൽ പ്രീപെയ്ഡ് ഉപഭോക്താക്കൾക്ക് വീണ്ടും വമ്പൻ ഓഫർ. ഏത് നെറ്റ് വർക്കിലേയ്ക്കും അൺലിമിറ്റഡ് കോളും ദിവസവും 2 ജിബി ഡാറ്റായുമാണ് കമ്പനി ഓഫർ ചെയ്തിരിക്കുന്നത്. ബിഎസ്എൻഎൽ സിക്സർ അഥവാ 666 എന്നാണ് പ്ലാനിന്റെ പേര്.

60 ദിവസം വരെയാണ് ഈ പ്ലാനിന്റെ കാലാവധി. ദിൽ കോൽ കി ബോൽ -349, ട്രിപ്പിൾ എസിഇ -333, ചൌക്ക -444 തുടങ്ങിയ ഓഫറുകളും പ്രീപെയ്ഡ് ഉപയോക്താക്കൾക്ക് ലഭ്യമാണ്.

ഈദ് ഉൽ ഫിത്തർ പ്രമാണിച്ച് കോംമ്പോ ഓഫറുകളുമായി ബിഎസ്എൻഎൽ രംഗത്തെത്തിയിരുന്നു. 786 രൂപയുടെ കോംമ്പോ പ്ലാൻ അനുസരിച്ച് പ്രീപെയ്ഡ് ഉപഭോക്താക്കൾക്ക് വോയിസ് കോളുകളും 3 ജിബി ഡാറ്റയും 90 ദിവസത്തേക്കാണ് ലഭിക്കുക. 30 ദിവസമാണ് ഇതിന്റെ സമയപരിധി. ഇന്ന് വരെ മാത്രമേ ഈ ഓഫർ ലഭിക്കുകയുള്ളൂ.

ടെലികോം മേഖലയിലെ മത്സരത്തിന്റെ ഭാ​ഗമായാണ് ബിഎസ്എൻഎല്ലും വമ്പിച്ച ഓഫറുകളുമായി എത്തിയിരിക്കുന്നത്. കുറഞ്ഞ നിരക്കിൽ ഇന്റർനെറ്റ് സൗകര്യവുമായി രം​ഗത്തെത്തിയ റിലയൻസ് ജിയോയാണ് ടെലികോം രംഗത്തെ ഈ മാറ്റങ്ങൾക്ക് തുടക്കം കുറിച്ചത്. ജിയോ എത്തിയതോടെ മറ്റ് കമ്പനികളും നിരക്കുകൾ വെട്ടിച്ചുരുക്കിയും കൂടുതൽ ഓഫറുകൾ നൽകിയും പിടിച്ചു നിൽക്കാനുള്ള ശ്രമത്തിലാണ്.

malayalam.goodreturns.in