കൊച്ചി: സ്വർണവില പവന് 120 രൂപ കൂടി. 21,880 രൂപയാണ് ഇന്നത്തെ വിപണി വില. ഗ്രാമിന് 15 രൂപ വർദ്ധിച്ച് 2735 രൂപയ്ക്കാണ് വ്യാപാരം പുരോഗമിക്കുന്നത്.

രണ്ട് ദിവസമായി സ്വർണവില മാറ്റമില്ലാതെ തുടരുകയായിരുന്നു. പവന് 21760 രൂപയും ഗ്രാമിന് 2720 രൂപയുമായിരുന്നു കഴിഞ്ഞ ദിവസത്തെ വില.

ഈ മാസം ആദ്യം ആഴ്ച മാത്രമാണ് സ്വർണവിലയിൽ നേരിയ വർദ്ധനവ് രേഖപ്പെടുത്തിയത്. പിന്നീട് വില ഇടിയുകയായിരുന്നു. എന്നാൽ ജൂൺ ഒന്നിനും ഇന്നത്തെ വിലയായ 21880 രൂപ തന്നെയായിരുന്നു.

22120 രൂപയാണ് സ്വ‍‍ർണത്തിന് ഈ മാസത്തെ ഏറ്റവും കൂടിയ നിരക്ക്. ജൂൺ ഏഴിനായിരുന്നു പവന് 22120 രൂപയ്ക്ക് വ്യാപാരം നടന്നത്. ഏറ്റവും കുറഞ്ഞ നിരക്ക് ജൂൺ 20നായിരുന്നു. 21480 രൂപയാണ് അന്നത്തെ സ്വ‍ർണവില. മേയിൽ 21440 രൂപ വരെ വില താഴ്ന്നിരുന്നു.

malayalam.goodreturns.in