സ്വിസ് ബാങ്കിൽ പണം നിക്ഷേപിക്കുന്ന ഇന്ത്യക്കാരുടെ എണ്ണം കുറയുന്നതായി റിപ്പോർട്ട്. സ്വിസ് ബാങ്ക് നിക്ഷേപകരുടെ എണ്ണത്തിൽ ഇന്ത്യയ്ക്ക് 88-ാം സ്ഥാനമാണുള്ളത്. ഇന്ത്യയും സ്വിറ്റ്സ‍ർലണ്ടും തമ്മിലുള്ള ഓട്ടോമാറ്റിക്ക് എക്സ്ചേഞ്ച് ഇൻഫർമേഷൻ കരാർ പ്രകാരമാണ് വിവരങ്ങൾ പുറത്തറിഞ്ഞത്.

മുൻ വർഷങ്ങളിൽ ഇത് 61, 75 സ്ഥാനങ്ങളിലുണ്ടായിരുന്നു. എന്നാൽ ഈ വർഷം നിക്ഷേപകരുടെ എണ്ണം വളരെയേറെ കുറഞ്ഞിട്ടുണ്ടെന്നാണ് കണക്കുകൾ സൂചിപ്പിക്കുന്നത്. ആകെ നിക്ഷേപത്തിൽ ഇന്ത്യക്കാരുടേതായി ഇപ്പോൾ വെറും 0.04 ശതമാനം മാത്രമേയുള്ളൂവെന്നും സ്വിസ് നാഷണൽ ബാങ്ക് നൽകിയ റിപ്പോർട്ടിൽ വ്യക്തമാണ്.

ബ്രിട്ടനാണ് സ്വിസ് ബാങ്കിൽ നിക്ഷേപിക്കുന്നവരുടെ എണ്ണത്തിൽ ഒന്നാമത്. 2007ൽ ഇന്ത്യ ആദ്യ 50 രാജ്യങ്ങളിലുണ്ടായിരുന്നു. എന്നാൽ സിംഗപ്പൂരിലും ഹോംങ്കോങിലും ഇന്ത്യക്കാ‍ർ കള്ളപ്പണം നിക്ഷേപിക്കുന്നതായി അടുത്തിടെ വാർത്തകൾ പുറത്തു വന്നിരുന്നു.

കള്ളപ്പണക്കാരെ കുടുക്കാൻ കേന്ദ്രം ശക്തമായ ഇടപെടലുകൾ നടത്തുന്നതാണ് സ്വിസ് ബാങ്കുകളിലെ ഇന്ത്യൻ നിക്ഷേപം കുറയാൻ പ്രധാന കാരണം.

malayalam.goodreturns.in