കൊച്ചി: ജിഎസ്ടി പ്രാബല്യത്തിൽ വന്നതോടെ കേരളത്തിൽ സ്വർണവിലയിൽ വൻ ഇടിവ്. പവന് 200 രൂപ കുറഞ്ഞ് 21,680 രൂപയിലെത്തി. ഗ്രാമിന് 27 രൂപ താഴ്ന്ന് 2710 രൂപയ്ക്കാണ് വ്യാപാരം പുരോഗമിക്കുന്നത്.

കഴിഞ്ഞ നാല് ദിവസമായി സ്വർണവില മാറ്റമില്ലാതെ തുടരുകയായിരുന്നു. 21880 രൂപയ്ക്കാണ് കഴിഞ്ഞ ദിവസങ്ങളിൽ വ്യാപാരം നടന്നത്. ജൂൺ 30 മുതൽ ഇന്നലെ വരെ ഈ വിലയായിരുന്നു.

എന്നാൽ ഇന്ന് 200 രൂപയാണ് സ്വർണത്തിന് കുറഞ്ഞിരിക്കുന്നത്. ജിഎസ്ടി പ്രാബല്യത്തിൽ വന്നതോടെ കേരളത്തിൽ സ്വർണവില വീണ്ടും കുറയാനാണ് സാധ്യത. കാരണം സ്വർണത്തിന് നിലവിലുള്ള അഞ്ച് ശതമാനം നികുതി മൂന്ന് ശതമാനമായി കുറയും.

കഴിഞ്ഞ മാസം സ്വർണവില ഇതിലും താഴ്ന്നിരുന്നു. 21,480 രൂപയായിരുന്നു ജൂണിലെ ഏറ്റവും കുറഞ്ഞ നിരക്ക്. അന്താരാഷ്ട്ര വിപണിയിലെ വിലക്കുറവും ആഭ്യന്തര വിപണികളിൽ വില ഇടിയാൻ കാരണമാണ്.

malayalam.goodreturns.in