ഉപഭോക്താക്കളെ ഞെട്ടിക്കാൻ ജിയോ വീണ്ടും എത്തുന്നു. എന്നാൽ ഇത്തവണ സൗജന്യ ഇന്റ‍ർനെറ്റോ താരിഫ് ഓഫറുകളോ അല്ല ജിയോ ഉപഭോക്താക്കൾക്ക് നൽകുന്നത്. വെറും 500 രൂപയ്ക്ക് 4ജി ഫോൺ തന്നെയാണ് ജിയോ പുറത്തിറക്കുന്നത്.

ജൂലൈ 21ന് നടക്കുന്ന റിലയൻസ് ഇൻഡസ്ട്രീസ് വാർഷിക പൊതുയോ​ഗത്തിലാകും പുതിയ ഫോൺ പുറത്തിറക്കുന്ന വിവരം ഔദ്യോ​ഗികമായി പ്രഖ്യാപിക്കുക. ജൂലൈ അവസാനമോ ഓ​ഗസ്റ്റ് ആദ്യ വാരത്തിലോ ഫോൺ വിപണിയിലെത്തും.

ടെലികോം രം​ഗത്തെ അടുത്ത മാറ്റത്തിന്റെ കാറ്റാകും ജിയോ 4ജി ഫോൺ പുറത്തിറങ്ങുന്നതോടെ ആരംഭിക്കുക. കുറഞ്ഞ വിലയ്ക്ക് രണ്ട് കോടി 4ജി ഫീച്ച‍ർ ഫോണുകൾ പുറത്തിറക്കാനാണ് കമ്പനിയുടെ പദ്ധതി. 500 രൂപയ്ക്ക് 4ജി ഫോൺ ലഭ്യമാകുന്നതോടെ നിരവധി പേർ ജിയോയുടെ ഉപഭോക്താക്കളാകും എന്നതിൽ സംശയം വേണ്ട.

കൂടാതെ കഴിഞ്ഞ ഏപ്രിലിൽ പ്രഖ്യാപിച്ച 84 ദിവസത്തെ ധൻ ധനാ ധൻ ഓഫറുകൾ അവസാനിക്കാനിരിക്കെ പുതിയ താരിഫുകളെക്കുറിച്ചും ഉടൻ പ്രഖ്യാപനം ഉണ്ടാകും.

malayalam.goodreturns.in