വിമാനക്കമ്പനികളുടെ ഓഫ‍ർ മത്സരത്തിൽ വിസ്താരയും. മണ്‍സൂണ്‍ സെയ്ല്‍ എന്ന പേരിലാണ് കമ്പനി രണ്ടു ദിവസത്തേക്ക് ഓഫ‍ർ പ്രഖ്യാപിച്ചിരിക്കുന്നത്. 799 രൂപ മുതലുള്ള ടിക്കറ്റുകൾ ലഭ്യമാണ്. ഓഫ‍ർ നാളെ അവസാനിക്കും.

ജൂലായ് 21 നും സെപ്തംബർ 20 നും ഇടയിൽ യാത്ര ചെയ്യാനുള്ള ടിക്കറ്റുകളാണ് ഈ ഓഫർ നിരക്കിൽ ലഭിക്കുക. എന്നാൽ സീറ്റുകളുടെ എണ്ണം കമ്പനി വ്യക്തമാക്കിയിട്ടില്ല.

ഡല്‍ഹി-അമൃതസര്‍ 1199 രൂപ, ഡല്‍ഹി-മുംബൈ 2099 രൂപ, ഡല്‍ഹി-ബാംഗഌര്‍ 2699 രൂപ, ഡല്‍ഹി-ഹൈദരാബാദ് 2399 എന്നിങ്ങനെയാണ് വിസ്താരയുടെ ഡിസ്‌കൗണ്ട് നിരക്ക്. ടാറ്റ സണ്‍സും സിങ്കപ്പൂര്‍ എയര്‍ലൈന്‍സും ചേര്‍ന്ന് 2013ല്‍ സ്ഥാപിച്ച കമ്പനിയാണ് വിസാതര.

വിമാനക്കമ്പനികൾ കൂടുതൽ ഓഫറുകളും ഡിസ്കൗണ്ടുകളും നൽകിയതോടെ കഴിഞ്ഞ വർഷത്തെ അപേക്ഷിച്ച് വിമാന സർവീസ് മേഖലയിൽ 27 ശതമാനം വളർച്ചയാണ് ഉണ്ടായിരിക്കുന്നത്. പ്രമോഷണൽ സ്കീമിന്റെ ഭാ​ഗമായി അടുത്തിടെ സ്പൈസ് ജെറ്റ് 799 രൂപയുടെ ടിക്കറ്റുകളും ഇൻഡി​ഗോ 899 രൂപ മുതലുള്ള ടിക്കറ്റുകളും വാ​ഗ്ദാനം ചെയ്തിരുന്നു.

malayalam.goodreturns.in