രാജ്യത്തെ ഏറ്റവും ചെലവു കുറഞ്ഞ വിമാനയാത്രാ കമ്പനിയായ ഇൻഡിഗോ സ്പെഷ്യൽ ഓഫറുമായി എത്തിയിരിക്കുന്നു. വെറും 777 രൂപയ്ക്കാണ് ഇൻഡിഗോ ടിക്കറ്റുകൾ ഓഫർ ചെയ്യുന്നത്. ഇന്ന് മാത്രമാണ് ടിക്കറ്റ് ബുക്കിംഗിനുള്ള സമയം. ജൂലൈ 21 മുതൽ സെപ്തംബർ 20 വരെ ഈ ഓഫർ ഉപയോഗിച്ച് യാത്ര ചെയ്യാം. സീറ്റുകളുടെ എണ്ണം കമ്പനി വ്യക്തമാക്കിയിട്ടില്ല.
കഴിഞ്ഞ ദിവസം വിസ്താരയും മണ്സൂണ് സെയ്ല് എന്ന പേരിൽ രണ്ടു ദിവസത്തേക്ക് ഓഫർ പ്രഖ്യാപിച്ചിരുന്നു. 799 രൂപയാണ് വിസ്താരയുടെ ഓഫർ നിരക്ക്. ഓഫർ ഇന്ന് അവസാനിക്കും.
ജിഎസ്ടി വന്നതോടെ ഇക്കോണമി ക്ലാസ് വിമാനയാത്രയുടെ ടിക്കറ്റ് നിരക്കുകൾ കുറഞ്ഞിട്ടുണ്ട്. ആറ് ശതമാനമായിരുന്ന നികുതി അഞ്ച് ശതമാനമായി കുറഞ്ഞതാണ് ഇതിന് കാരണം. എന്നാൽ ബിസിനസ്സ് ക്ലാസ് ടിക്കറ്റുകൾ നികുതി കൂടും കാരണം നിലവിലെ 9 ശതമാനത്തിൽ 12 ശതമാനമായി നികുതി കൂടിയിട്ടുണ്ട്.
വിമാനക്കമ്പനികൾ കൂടുതൽ ഓഫറുകളും ഡിസ്കൗണ്ടുകളും നൽകിയതോടെ കഴിഞ്ഞ വർഷത്തെ അപേക്ഷിച്ച് വിമാന സർവീസ് മേഖലയിൽ 27 ശതമാനം വളർച്ചയാണ് ഉണ്ടായിരിക്കുന്നത്. പ്രമോഷണൽ സ്കീമിന്റെ ഭാഗമായി അടുത്തിടെ സ്പൈസ് ജെറ്റ് 799 രൂപയുടെ ടിക്കറ്റുകൾ വാഗ്ദാനം ചെയ്തിരുന്നു.
malayalam.goodreturns.in