കൊച്ചി: സ്വർണവില പവന് 160 രൂപ കുറഞ്ഞു. 21,360 രൂപയാണ് ഇന്നത്തെ വിപണി വില. ഗ്രാമിന് 20 രൂപ താഴ്ന്ന് 2670 രൂപയ്ക്കാണ് വ്യാപാരം പുരോഗമിക്കുന്നത്.

കഴിഞ്ഞ മൂന്നുമാസത്തിനിടയിലെ ഏറ്റവും കുറഞ്ഞ നിരക്കാണ് ഇന്നത്തേത്. മാർച്ചിൽ സ്വർണവില 21,360 രൂപയിൽ എത്തിയിരുന്നു. എന്നാൽ ഏപ്രിൽ, മേയ്, ജൂൺ മാസങ്ങളിൽ വില ഇത്രയും താഴ്ന്നിരുന്നില്ല.

21,480 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. ഏറ്റവും കൂടിയ നിരക്ക് 22,120 രൂപയും. അന്താരാഷ്ട്ര വിപണിയിലെ വിലക്കുറവ് തന്നെയാണ് ആഭ്യന്തര വിപണിയെ ബാധിച്ചിരിക്കുന്നതെന്ന് വ്യാപാരികൾ പറയുന്നു.

എന്നാൽ ജിഎസ്ടിയും സ്വ‍‍ർണത്തിന്റെ വിലയിടിവിന് കാരണമാണ്. ഈ മാസം ആദ്യം മുതൽ സ്വ‍‍ർണ വിപണിയിൽ വൻ ഇടിവാണ് ഉണ്ടായിരിക്കുന്നത്. ജിഎസ്ടി പ്രാബല്യത്തിൽ വന്നതോടെ കേരളത്തിൽ സ്വർണവില വീണ്ടും കുറയാനാണ് സാധ്യത.

malayalam.goodreturns.in