സൗജന്യ മൊബൈല്‍ ഡാറ്റയിലൂടെ ഉപഭോക്താക്കളെ ഞെട്ടിച്ച റിലയന്‍സ് ജിയോ വീണ്ടും ഓഫറുകളുമായെത്തുന്നു. പുതിയ നിരക്കുകളിലുള്ള പ്ലാനുകൾ പ്രഖ്യാപിച്ചു കഴിഞ്ഞു. പുതിയ പ്ലാനുകളിലെല്ലാം വോയിസ് കോളുകള്‍ സൗജന്യമാണ്.

ദിവസവും ഒരു ജിബി ഡാറ്റാ നൽകുന്ന 309 രൂപയുടെ പ്ലാൻ ജിയോ ഇത്തവണയും നിലനിർത്തിയിട്ടുണ്ട്. 56 ദിവസമാണ് ഈ പ്ലാനിന്റെ കാലാവധി. നേരത്തെ അവതരിപ്പിച്ച നിരക്കുകളില്‍ നിന്ന് കാര്യമായ മാറ്റങ്ങളില്ലാതെയാണ് പുതുക്കിയ നിരക്കുകള്‍ ജിയോ പ്രഖ്യാപിച്ചിരിക്കുന്നത്.

ഏപ്രിലിൽ പ്രഖ്യാപിച്ച ധൻധനാ ധൻ പ്ലാനിൽ 309 രൂപയ്ക്ക് ഒരു ജിബി ഡാറ്റാ വീതം 84 ദിവസം ലഭിക്കുമായിരുന്നു. ഇനി 399 രൂപയ്ക്കാണ് ഒരു ജിബി വീതം 84 ദിവസത്തേയ്ക്ക് കിട്ടുക. എന്നാൽ പുതുക്കിയ താരിഫ് പ്ലാനുകളില്‍ ഏറ്റവും മികച്ചത് ഇതാണ്.

509 പ്ലാനില്‍ ദിവസം 2ജിബി 4ജി ഡേറ്റ ഉപയോഗിക്കാന്‍ സാധിക്കും. കാലാവധി 28 ദിവസത്തില്‍ നിന്ന് 56 ദിവസമായി ഉയര്‍ത്തിയിട്ടുണ്ട്. നിലവിലുള്ള 349 രൂപയുടെ പ്ലാനിന്റെ കാലാവധിയും 28 ല്‍ നിന്ന് 56 ദിവസമാക്കി ഉയര്‍ത്തിയിട്ടുണ്ട്.

malayalam.goodreturns.in