ബിഎസ്എന്‍എൽ ബ്രോഡ്ബാൻഡ് കണക്ഷൻ ഉള്ളവരുടെ ശ്രദ്ധയ്ക്ക്. 599 രൂപയ്ക്ക് അൺലിമിറ്റഡ് ബ്രോഡ്ബാൻഡ് പ്ലാനുമായി ബിഎസ്എന്‍എൽ രം​ഗത്ത്. രണ്ട് എംബിപിഎസ് വേഗത്തിൽ എത്ര ജിബി വേണമെങ്കിലും ഈ പ്ലാനിൽ ഉപയോഗിക്കാം.

നിലവിലെ 675ന്റെ പ്ലാനിൽ ഇനി മുതൽ 10 ജിബി വരെ കിട്ടും. 999യുടെ പ്ലാനില്‍ 30 ജി.ബി വരെയും, 4 എംബിപിഎസ് വേഗതയില്‍ ബ്രോഡ്ബാന്‍ഡ് സൗകര്യം ലഭ്യമാകും. ഗ്രാമീണ മേഖലകളിലെ ഉപയോക്താക്കൾക്കു മാത്രമുള്ള 650 രൂപയുടെ പ്ലാനിൽ നിലവിലെ അഞ്ചു ജിബിക്കു പകരം രണ്ട് എംബിപിഎസ് വേഗത്തിൽ 15 ജിബി ലഭിക്കും.

നഗരമേഖലയിലെ ബ്രോഡ്ബാന്‍ഡ് ഇല്ലാത്ത ഉപഭോക്താക്കള്‍ക്ക് ഇപ്പോഴുള്ള മാസവാടകയോടൊപ്പം 9 രൂപാ വീതം അധികം നല്‍കി 249 കോംബോ പ്ലാനില്‍ പുതിയ ബ്രോഡ്ബാന്‍ഡ് കണക്ഷന്‍ എടുക്കാവുന്നതാണ്. ഇതില്‍ 5 ജി.ബി വരെ 2 എംബിപിഎസ് വേഗതയിലും തുടര്‍ന്ന് 1 എംബിപിഎസ് വേഗതയില്‍ പരിധിയില്ലാതെയും ബ്രോഡ്ബാന്‍ഡ് ഉപയോഗിക്കാം.

എല്ലാ ഉപഭോക്താക്കള്‍ക്കും ദിവസേന രാത്രി 9 മുതല്‍ രാവിലെ 7 വരെയും കൂടാതെ എല്ലാ ഞായറാഴ്ചകളിലും 24 മണിക്കൂറും ഇന്ത്യക്കുള്ളില്‍ ഏത് നെറ്റ്‌വര്‍ക്കിലേയും സൗജന്യമായി വിളിക്കാവുന്നതുമാണ്.

malayalam.goodreturns.in