കൊച്ചി: സ്വർണവില പവന് 160 രൂപ കൂടി. 21,200 രൂപയാണ് ഇന്നത്തെ വിപണി വില. ഗ്രാമിന് 20 രൂപ കൂടി 2650 രൂപയ്ക്കാണ് വ്യാപാരം പുരോഗമിക്കുന്നത്.

ഈ മാസം ആദ്യം മുതൽ സ്വർണവില ഇടിയുകയായിരുന്നു. എന്നാൽ കഴിഞ്ഞ ഒരാഴ്ച്ചയായി വില കൂടാൻ തുടങ്ങി. ഇന്നലെ 21040 രൂപയായിരുന്നു വില. 120 രൂപ കൂടിയാണ് ഇന്നലെ 21040 രൂപയിലെത്തിയത്.

ഈ മാസത്തെ ഏറ്റവും കുറഞ്ഞ നിരക്ക് 20,720 രൂപയാണ്. പവൻ വില 640 രൂപ കുറഞ്ഞാണ് 20,720 രൂപയിൽ എത്തിയത്. കഴിഞ്ഞ ആറു മാസത്തിനിടെയിലെ ഏറ്റവും കുറഞ്ഞ വിലയായിരുന്നു ഇത്.

2017ൽ സ്വർണവില ഇത്രയും താഴ്ന്നിട്ടില്ല. അന്താരാഷ്ട്ര വിപണിയിലുണ്ടായ വിലക്കയറ്റമാണ് സ്വർണത്തിന് ഇപ്പോൾ വില ഉയരാൻ കാരണം. 21,880 രൂപയാണ് ഈ മാസത്തെ ഏറ്റവും കൂടിയ നിരക്ക്.

malayalam.goodreturns.in