ഷാരൂഖ് ഖാൻ

ബോളിവുഡ് സൂപ്പർതാരം ഷാരൂഖ് ഖാനാണ് ഫോബ്സിന്റെ പട്ടികയിലെ മുൻനിരക്കാരനായ ഇന്ത്യൻ താരം. 100 പേരടങ്ങുന്ന പട്ടികയിലെ 65-ാം സ്ഥാനക്കാരനാണ് ഷാരൂഖ് ഖാൻ. കഴിഞ്ഞ വർഷം ഷാരൂഖിന്റെ സ്ഥാനം 86-ാമത് ആയിരുന്നു. എന്നാൽ ഇത്തവണ 21 സ്ഥാനം കടന്നാണ് താരം മുന്നിലെത്തിയിരിക്കുന്നത്. 38 മില്യൺ ഡോളറാണ് ഷാരൂഖിന്റെ വരുമാനം.

അഭിനയം മാത്രമല്ല

വിവിധ സ്രോതസ്സുകൾ വഴി എത്തുന്നതാണ് ഷാരൂഖ് ഖാന്റെ സമ്പാദ്യം. അഭിനയം, നിർമ്മാണം, സ്റ്റേജ് ഷോകൾ, ടെലിവിഷൻ ഷോകൾ തുടങ്ങിയവയാണ് ഷാരൂഖിന്റെ വരുമാന സ്രോതസ്സ്. കൂടാതെ ഇന്ത്യൻ പ്രീമിയർ ലീഗിലെ കൊൽക്കത്ത നൈറ്റ് റൈഡേഴ്സിന്റെ ഉടമസ്ഥാവകാശവും ഷാരൂഖിന്റെ വരുമാനം ഇരട്ടിയാക്കുന്നു.

സൽമാൻ ഖാൻ

ഷാരൂഖിന് തൊട്ട് പിന്നിൽ സൽമാൻ ഖാനും ഫോബ്സ് പട്ടികയിൽ ഇടം നേടിയിട്ടുണ്ട്. 71-ാം സ്ഥാനമാണ് സൽമാൻ ഖാനുള്ളത്. 37 മില്യൺ ഡോളറാണ് സൽമാൻ ഖാന്റെ വരുമാനം. 2015ൽ സൽമാൻ 72-ാം സ്ഥാനക്കാരനായിരുന്നു.

അക്ഷയ് കുമാർ

അക്ഷയ് കുമാർ ഇത്തവണ ഏറ്റവും കൂടുതൽ പ്രതിഫലം വാങ്ങുന്നവരിൽ 80 സ്ഥാനത്താണ്. കഴിഞ്ഞ വർഷത്തേക്കാൾ അക്ഷയ്കുമാറിന്റെ പ്രതിഫലം ഉയർന്നിട്ടുണ്ട്. 35.5 മില്യൺ ഡോളറാണ് അക്ഷയ് ഈ വർഷം നേടിയത്. കഴിഞ്ഞ വർഷം 94-ാം സ്ഥാനക്കാരനായിരുന്നു അക്ഷയ് കുമാർ.

ഡിഡ്ഡി

130 മില്യൺ ഡോളർ സമ്പാദ്യവുമായി അമേരിക്കൻ റാപ്പര്‍ സീന്‍ ജോണ്‍ കോംപ്‌സാണ് ഫോബ്സ് പട്ടികയിലെ ഒന്നാം സ്ഥാനക്കാരൻ. ഡിഡ്ഡി എന്നാണ് ഇദ്ദേഹം അറിയപ്പെടുന്നത്.

ജസ്റ്റിൻ ബീബർ

പോപ് സംഗീതത്തിന്റെ രാജകുമാരന്‍ എന്നറിയപ്പെടുന്ന ജസ്‌ററിന്‍ ബീബര്‍ ചെറുപ്രായത്തിനുള്ളിൽ തന്നെ ലോക ശ്രദ്ധ നേടി കഴിഞ്ഞു. ഫോബ്സിന്റെ പട്ടികയിൽ 13-ാം സ്ഥാനമാണ് ഈ കാനഡക്കാരനുള്ളത്. 83.5 മില്യൺ ഡോളറാണ് ജസ്റ്റിൻ ബീബറിന്റെ വരുമാനം.

ക്രിസ്റ്റ്യാനോ റൊണാൾഡോ

ഫുഡ്ബോൾ സൂപ്പർസ്റ്റാർ ക്രിസ്റ്റ്യാനോ റൊണാൾഡോ അഞ്ചാം സ്ഥാനത്താണുള്ളത്. 93 മില്യൺ ഡോളറാണ് ഇദ്ദേഹത്തിന്റെ വരുമാനം.

മെസ്സി

അർജന്റീനിയൻ സൂപ്പർ ഫുഡ്ബോളർ ലയണൽ മെസ്സി 14-ാം സ്ഥാനത്തുണ്ട്. 80 മില്യൺ ഡോളറാണ് ഈ കായിക താരത്തിന്റെ ഈ വർഷത്തെ വരുമാനം.

റോജർ ഫെഡറർ

ടെന്നീസ് താരം റോജർ ഫെഡറർ 64 മില്യൺ ഡോളറുമായി പട്ടികയിൽ 23-ാം സ്ഥാനത്തുണ്ട്. സ്വിസ്സ് ടെന്നീസ് കളിക്കാരനാണ്‌ ഇദ്ദേഹം.

വിൻ ഡീസൽ

നിരവധി ചലച്ചിത്ര പരമ്പരയിലൂടെ പ്രശസ്തനായ അമേരിക്കൻ ചലച്ചിത്ര നടനും സംവിധായകനും ചലച്ചിത്ര നിർമാതാവും തിരകഥാകൃത്തുമായ വിൻ ഡീസൽ പട്ടികയിലെ 31-ാം സ്ഥാനക്കാരനാണ്. 54.5 മില്യൺ ഡോളറാണ് വിൻ ഡീസൽ ഒരു വർഷം കൊണ്ട് നേടിയത്.

ജാക്കി ചാൻ

49 മില്യൺ ഡോളറുമായി ചൈനീസ് - ഹോളിവുഡ് നടൻ ജാക്കി ചാൻ 39-ാം സ്ഥാനത്തുണ്ട്. കുൻഫു എന്ന അയോധനകലയ്ക്ക് പ്രാധാന്യമുണ്ടാക്കിയതിൽ പ്രധാന പങ്ക് വഹിക്കുന്നയാളാണ് ജാക്കി ചാൻ.

നെയ്മർ

ബ്രസീലിയൻ ഫുട്ബോൾ താരം നെയ്മറും സൽമാൻ ഖാനും ഒരേ വരുമാനമാണ് നേടിയിരിക്കുന്നത്. 37 മില്യൺ ഡോളർ. സൽമാൻ ഖാനെ പോലെ തന്നെ പട്ടികയിലെ 71-ാം സ്ഥാനക്കാരനാണ് നെയ്മറും.

ഉസൈൻ ബോൾട്ട്

ജമൈക്കൻ ഓട്ടക്കാരനും ലോക റെക്കോർഡ് ഉടമയുമായ ഉസൈൻ ബോൾട്ട് പട്ടികയിലെ 88-ാം സ്ഥാനക്കാരനാണ്. 34.2 മില്യൺ ഡോളറാണ് ബോൾട്ടിന്റെ വരുമാനം.