റിസർവ് ബാങ്ക് പുതിയ ഇരുപത് രൂപ നോട്ടുകൾ ഉടൻ പുറത്തിറക്കും. 2005ൽ പുറത്തിറക്കിയ മഹാത്മാ​ഗാന്ധി സീരീസ് നോട്ടുകൾക്ക് പകരമാണ് പുതിയ നോട്ടുകൾ പുറത്തിറക്കുന്നത്.

നിലവിലുള്ള 20 രൂപ നോട്ടുകൾക്ക് സമാനമായ നോട്ടുകളാണ് റിസർവ് ബാങ്ക് പുറത്തിറക്കുന്നത്. എന്നാൽ റിസർവ് ബാങ്ക് ​ഗവ‍ർണ‍ർ ഊ‍ർജിത്ത് പട്ടേലിന്റെ ഒപ്പിന് സമീപം നമ്പർ പാനലിൽ ഇംഗ്ലീഷ് അക്ഷരമാലയിലെ എസ് എന്ന അക്ഷരം കൂടി ഉൾപ്പെടുത്തിയിട്ടുണ്ടാകും.

പുതിയ നോട്ട് അച്ചടിച്ചാലും ഇപ്പോൾ പ്രചാരത്തിലുള്ള നോട്ടിന് തുടർന്നും സാധുതയുണ്ടാകും. നോട്ട് അസാധുവാക്കലിനെ തുടര്‍ന്ന് രാജ്യം നേരിടുന്ന ചില്ലറക്ഷാമം പരിഹരിക്കാനാണ് റിസര്‍വ് ബാങ്ക് പുതിയ നോട്ടുകൾ പുറത്തിറക്കുന്നത്.

നവംബറിലെ 500, 1000 നോട്ടുകളുടെ അസാധുവാക്കലിന് ശേഷം പുതിയതായി 2000, 500 രൂപ നോട്ടുകള്‍ പുറത്തിറക്കിയിരുന്നു. എന്നാല്‍ ആവശ്യത്തിന് നോട്ടുകൾ ലഭ്യമല്ലാത്തത് കടുത്ത പ്രതിസന്ധികൾക്ക് കാരണമായിരുന്നു. രാജ്യത്ത് നിന്ന് ഉയർന്ന മൂല്യമുള്ള നോട്ടുകൾ മുന്നറിയിപ്പ് ഇല്ലാതെ പിൻവലിച്ചതാണ് ജനങ്ങളെ വലച്ചത്.

malayalam.goodreturns.in