ഇന്ത്യയിലെ പ്രമുഖ കണ്ടന്റ് ഡിസ്ട്രിബ്യൂഷൻ പ്ലാറ്റ്‌ഫോമായ ടാറ്റ സ്‌കൈയുടെ ദക്ഷിണേന്ത്യൻ വിപണിയുടെ ബ്രാൻഡ് അംബാസഡറായി തെന്നിന്ത്യൻ സൂപ്പർ നായിക നയൻ താരയെ തെരഞ്ഞെടുത്തു. തമിഴ്, തെലുങ്ക്, മലയാളം, കന്നട ഭാഷകളില്‍ നയന്‍താര നായികയായ പരസ്യം അവതരിപ്പിക്കും.

പുതിയ പ്രചാരണത്തിലൂടെ വിപണിയിലെ ബ്രാൻഡിന്റെ സാന്നിദ്ധ്യം വിപുലമാക്കുകയാണ് കമ്പനിയുടെ ലക്ഷ്യം. ഒരു ചെറു പട്ടണത്തിലെ ടാറ്റ സ്‌കൈ ഔട്ട്‌ലെറ്റിൽ പ്രത്യേക പാക്ക് വിൽക്കുന്ന പെൺകുട്ടിയായാണ് നയൻ താരയെ പരസ്യചിത്രത്തിൽ അവതരിപ്പിക്കുന്നത്.

220 ചാനലുകളുള്ള ടാറ്റ സ്കൈയുടെ പാക്കിൽ നിരവധി വിനോദ പരിപാടികളുണ്ട്. ടാറ്റ സ്‌കൈയോടൊപ്പം പ്രവർത്തിക്കാൻ സാധിച്ചതിൽ സന്തോഷമുണ്ടെന്ന് നയൻതാര അറിയിച്ചു.

നയൻതാരയുടെ വ്യക്തിത്വ‌വും കലാപരമായ കഴിവും ജനങ്ങൾക്ക് അവരോടുള്ള ആരാധനയുമാണ് ടാറ്റ സ്കൈയുടെ സൗത്ത് ഇന്ത്യൻ അംബാസിഡ‍റായി തെരെഞ്ഞെടുക്കാൻ കാരണമെന്ന് ടാറ്റ സ്കൈയുടെ ചീഫ് കമ്മ്യൂണിക്കേഷൻ ഓഫീസർ മാലയ് ദിക്ഷിത് പറഞ്ഞു.

malayalam.goodreturns.in