ക്രിക്കറ്റ് താരം മഹേന്ദ്ര സിംഗ് ധോണിയും ബിസിനസിലേയ്ക്ക് കടക്കുന്നു. റാഞ്ചിയി. ഫിറ്റ്നസ് സ്പോട്സ് വസ്ത്രങ്ങളുടെ ഷോപ്പാണ് ധോണി ആരംഭിച്ചിരിക്കുന്നത്. സെവൻസ് എന്നാണ് ധോണിയുടെ ബ്രാൻഡിന്റെ പേര്. രാജ്യമെങ്ങും ഈ ബ്രാൻഡ് വ്യാപിപ്പിക്കുകയാണ് ധോണിയുടെ ലക്ഷ്യം

റാഞ്ചിയിലെ ന്യൂക്ലിയസ് മാളിൽ ഏറ്റവും താഴത്തെ നിലയിലാണ് ധോണിയുടെ കട. ഇവിടെ യുവാക്കളുടെ വൻ തിരക്കാണ് അനുഭവപ്പെടുന്നത്. തങ്ങളുടെ പ്രിയ താരത്തിന്റെ കടയായതിനാലാണ് ഇത്ര തിരക്ക് അനുഭവപ്പെടുന്നത്. കൂടാതെ ധോണിയുടെ സ്വന്തം നാടായ റാഞ്ചിയിൽ തന്നെയാണ് കട.

സെവൻ ബ്രാൻഡിൽ ഉത്പന്നങ്ങൾ നിർമ്മിക്കുകയും വിതരണം ചെയ്യുകയുമാണ് കമ്പനിയുടെ ലക്ഷ്യമെന്ന് ധോണി പറഞ്ഞു. 2020 ആകുമ്പോഴേയ്ക്കും രാജ്യത്ത് 275 ഷോപ്പുകൾ തുറക്കാനാണ് പദ്ധതി.

ഏത് പ്രായക്കാർക്കും ഉപയോഗിക്കാൻ പറ്റുന്ന തരത്തിലുള്ള ഫിറ്റ്നസ് ഉത്പന്നങ്ങളാണ് കടയിലുള്ളത്. ക്രിക്കറ്റ് മാത്രമല്ല ഫുട്ബോൾ, ബാഡ്മിന്റൺ, നീന്തൽ തുടങ്ങി എല്ലാ സ്പോർട്സ് വിഭാഗങ്ങളിലെയും വസ്ത്രങ്ങൾ ഇവിടെ ലഭിക്കും.

malayalam.goodreturns.in