കൊച്ചി: സ്വർണവില പവന് 80 രൂപ കുറഞ്ഞു. 21,200 രൂപയാണ് ഇന്നത്തെ വിപണി വില. ഗ്രാമിന് 10 രൂപ കുറഞ്ഞ് 2650 രൂപയ്ക്കാണ് വ്യാപാരം പുരോഗമിക്കുന്നത്.
കഴിഞ്ഞ നാല് ദിവസമായി സ്വർണ വില മാറ്റമില്ലാതെ തുടരുകയായിരുന്നു. 21,280 രൂപയായിരുന്നു ഇന്നലെ വരെ ഒരു പവൻ സ്വർണത്തിന്റെ വില. കഴിഞ്ഞ ശനിയാഴ്ചയാണ് വിലയിൽ അവസാനമായി മാറ്റമുണ്ടായത്. എന്നാൽ നാല് ദിവസത്തെ അനിശ്ചിതാവസ്ഥയ്ക്ക് ശേഷം ഇന്ന് വില 80 രൂപ കുറയുകയായിരുന്നു.
ജിഎസ്ടി നടപ്പാക്കിയതോടെ ഇന്ത്യയിൽ സ്വർണത്തിന് 3% നികുതി വർദ്ധിച്ചു. ഇതോടെ വിദേശത്തെ സ്വർണ വിൽപ്പനയിൽ വർദ്ധനവുണ്ടായിട്ടുണ്ടെന്ന് റിപ്പോർട്ട് പുറത്തു വന്നിരുന്നു. അഞ്ച് മുതൽ 10 ശതമാനം വരെയാണ് ഇവിടെ വിൽപ്പന വർദ്ധിച്ചിരിക്കുന്നത്.
ഇന്ത്യയിൽ നിന്ന് സ്വർണം വാങ്ങുന്നതിലും 13 ശതമാനം വിലക്കുറവാണ് ഗൾഫ് രാജ്യങ്ങളിൽ നിന്ന് സ്വർണം വാങ്ങുമ്പോഴുള്ളത്. അന്താരാഷ്ട്ര വിപണിയിൽ വില കുറഞ്ഞതും ആഭ്യന്തര വിപണിയിലെ വിലക്കുറവിന് കാരണമാണ്.
malayalam.goodreturns.in