മുത്തൂറ്റ് ക്യാപ്പിറ്റൽ സർവീസസ് ലിമിറ്റഡ് (എംസിഎസ്എൽ) 2017 സാമ്പത്തിക വർഷത്തിന്റെ ആദ്യ പാദത്തിൽ 6.09 കോടി രൂപ അറ്റാദായം നേടി. മുൻ വർഷത്തേക്കാൾ 36 ശതമാനം വർദ്ധനവാണ് കമ്പനി നേടിയിരിക്കുന്നത്.

കഴിഞ്ഞ വർഷം ഇതേ കാലയളവിൽ 64.26 കോടി രൂപയായിരുന്നു കമ്പനിയുടെ മൊത്തം വരുമാനം. എന്നാൽ ഇത്തവണ അത് 79.76 കോടിയായി ഉയർന്നു. കമ്പനിയുടെ ആകെ ഉത്പാദനം 1,090 കോടിയിൽ നിന്ന് 1,559 കോടി രൂപയായാണ് ഉയർന്നിരിക്കുന്നത്. ഇത് ഏകദേശം 43 ശതമാനത്തോളം വർദ്ധനവാണ് ഉണ്ടാക്കുന്നുണ്ട്.

കമ്പനിയുടെ അറ്റാദായം കഴിഞ്ഞ വർഷത്തേക്കാൾ 24.1 ശതമാനമാണ് ഉയർന്നിരിക്കുന്നത്. കഴിഞ്ഞ വർഷം ഇതേ സമയം 4.48 കോടിയായിരുന്നു കമ്പനിയുടെ അറ്റാദായം. ഈ കാലയളവിൽ 67,398 ഇരുചക്രവാഹന വായ്പകളാണ് കമ്പനി നൽകിയിരിക്കുന്നത്. ഇത് ഏകദേശം 340.56 കോടിയോളം രൂപ വരും.

ആ വർഷം ആദ്യ പാദത്തിൽ മാത്രം കമ്പനിയ്ക്ക് 4,43,480 ഉപഭോക്താക്കളാണുള്ളത്. എന്നാൽ കഴിഞ്ഞ വർഷം ഇതേ സമയം ഉപഭോക്താക്കളുടെ എണ്ണം 3,51,811 മാത്രമാണ്. കുറഞ്ഞ ചെലവിൽ വേഗത്തിലുള്ള വളർച്ചയാണ് മുത്തൂറ്റ് ക്യാപിറ്റൽ നേടിയിരിക്കുന്നതെന്ന് സാമ്പത്തിക വിദഗ്ധർ പറയുന്നു.

malayalam.goodreturns.in