ആസ്തി മൂല്യം

9070 കോടി ഡോളറാണ് (ആറു ലക്ഷം കോടി രൂപ) ജെഫ് ബെസോസിന്റെ ആസ്തിമൂല്യം. 70 കോടി ഡോളര്‍ പിന്നിലാണ് മൈക്രോസോഫ്റ്റ് സഹസ്ഥാപകൻ ബിൽ ഗേറ്റ്സ്.

ആമസോൺ നേട്ടം

ബെസോസിന് ആമസോണിന്റെ 17 ശതമാനം ഓഹരികളാണ് സ്വന്തമായുള്ളത്. ഇ​ന്ന​ലെ ആ​മ​സോ​ണി​ന്‍റെ ഓ​ഹ​രി​ മൂല്യം ഉ​യ​ർ​ന്ന​താ​ണ് ഈ ​നേ​ട്ട​ത്തി​നു പി​ന്നി​ൽ. ആമസോണിന്‍റെ വരുമാനത്തില്‍ 23ശതമാനം വളര്‍ച്ചയാണ് ഈ വര്‍ഷമുണ്ടായത്. അ​ടു​ത്തി​ടെ ആ​മ​സോ​ണി​ന്‍റെ വീ​ഡി​യോ സ്ട്രീ​മിം​ഗ് പ്ലാ​റ്റ്ഫോ​മാ​യ ആ​മസോ​ൺ പ്രൈമും ജെഫ് ബെസോസ് ​അ​വ​ത​രി​പ്പി​ച്ചി​രു​ന്നു.

മറ്റ് ബിസിനസ്സുകൾ

മാധ്യമസ്ഥാപനമായ വാഷിങ്ടണ്‍ പോസ്റ്റിന്റെയും റോക്കറ്റ് കമ്പനിയായ ബ്ലൂ ഒറിജിന്റെയും ഉടമസ്ഥന്‍ കൂടിയാണ് ജെഫ്. 2013ലാണ് ജെഫ് വാഷിംഗ്ടണ്‍ പോസ്റ്റ് സ്വന്തമാക്കിയത്.

ടെക്സ്റ്റൈൽ മ്യൂസിയം

വാഷിങ്ടൺ ഡിസിയിലെ പുരാതനമായ ടെക്സ്റ്റൈൽ മ്യൂസിയം ഈ വർഷമാദ്യം ബെസോസ് സ്വന്തമാക്കിയിരുന്നു. 2.3 കോടി ഡോളറാണ് ഇതിനായി ചെലവഴിച്ചത്. സിയാറ്റിലിലും ബവർലി ഹിൽസിലും ബെസോസിന് ആഡംബര വസതികളുമുണ്ട്.

ഫോബ്സ് ലിസ്റ്റ്

ഫോബ്സ് മാഗസിന്‍റെ കണക്കു പ്രകാരം ഈ വര്‍ഷം ആദ്യം ലോകസമ്പന്നരരുടെ പട്ടികയില്‍ നാലാമതായിരുന്നു 53കാരനായ ജെഫ് ബെസോസ്. ജെഫും ഫേസ്ബുക്ക് തലവന്‍ മാര്‍ക് സുക്കന്‍ബര്‍ഗും ഈ വര്‍ഷം വന്‍ മുന്നേറ്റമാണ് നടത്തുന്നതെന്നും ഫോബ്സ് മാ​ഗസിൻ റിപ്പോ‍ർട്ട് ചെയ്തിരുന്നു. 1998ലാ​ണ് കോ​ടീ​ശ്വ​ര​ പ​ട്ടി​ക​യി​ലേ​ക്ക് ജെഫിനെ ഫോ​ബ്സ് പ​രി​ഗ​ണി​ക്കു​ന്ന​ത്.

സ്ഥാനചലനം ഉടൻ ഇല്ല

മൈ​ക്രോ​സോ​ഫ്റ്റി​ന്‍റെ ഓ​ഹ​രി​ക​ൾ ഉ​യ​ർ​ന്നെ​ങ്കി​ലോ ആ​മ​സോ​ണി​ന്‍റെ ഓ​ഹ​രി​ക​ൾ താ​ഴ്ന്നെ​ങ്കി​ലോ മാ​ത്ര​മേ ജെഫ് ബെസോസിന്റെ സ്ഥാനത്തിന് മാറ്റം സംഭവിക്കൂ. എന്നാൽ ഉ​ട​നെ​ അ​ത്ത​ര​ത്തി​ലൊ​രു സാ​ധ്യ​ത​യി​ല്ലെ​ന്നാ​ണ് വി​ദ​ഗ്ധ​രു​ടെ അ​ഭി​പ്രാ​യം.

തുടക്കം പുസ്തകങ്ങൾ വിറ്റ്

22 വ​ർ​ഷങ്ങൾക്ക് മുമ്പ് പു​സ്ത​ക​ങ്ങ​ൾ വി​ല്പ​ന​യ്ക്കു വ​ച്ചാ​ണ് ജെ​ഫ് ബെ​സോ​സ് തന്റെ ബി​സി​ന​സ് ജീ​വി​തം ആ​രം​ഭി​ക്കു​ന്ന​ത്. എന്നാൽ പിന്നീട് അങ്ങോട്ട് വള‍‍ർച്ചയുടെ കാലഘട്ടമായിരുന്നു. ക​ഴി​ഞ്ഞ 30 വ​ർ​ഷ​മാ​യി കോ​ടീ​ശ്വ​ര​ പ​ട്ടി​ക​യി​ലുണ്ട് ജെഫ്.