ഏഷ്യയിലെ സമ്പന്നരിൽ മുകേഷ് അംബാനി രണ്ടാമൻ. ഓഹരി വില കുതിച്ചതോടെ റിലയന്‍സ് ഇന്‍ഡസ്ട്രീസ് ചെയര്‍മാനായ മുകേഷ് അംബാനിയുടെ സ്വത്തില്‍ 77,000 കോടിയുടെ (12.1 ബില്യണ്‍ ഡോളര്‍) വര്‍ധനവാണുണ്ടായത്.

റിലയൻസിന്റെ വാ‍ഷിക പൊതുയോ​ഗത്തിൽ സൗജന്യ 4ജി ഫീച്ചര്‍ ഫോണ്‍ പ്രഖ്യാപിച്ചതോടെയാണ് റിലയന്‍സ് ഇന്‍ഡസ്ട്രീസിന്റെ ഓഹരി വില റെക്കോർഡ് ഉയരത്തിലെത്തിയത്. ഇപ്പോൾ മുകേഷ് അംബാനിയുടെ ആസ്തി 34.8 ബില്യൺ ഡോളറായി ഉയർന്നു. അതായതി 2.2 ലക്ഷം കോടി.

എന്നാൽ റിലയന്‍സ് ഇന്‍ഡസ്ട്രീസിന്റെ കടബാധ്യത ഇപ്പോൾ 15 വര്‍ഷത്തിനിടയിലെ ഏറ്റവും ഉയര്‍ന്ന നിലയിലാണ്. ടെലികോം ബിസിനസില്‍ നിന്ന് കാര്യമായ നേട്ടമൊന്നും ഇതുവരെ കമ്പനിക്ക് ലഭിച്ചിട്ടില്ല.

ജിയോയാണ് ഇപ്പോൾ കമ്പനിയുടെ ഏക ആയുധം. ജിയോ തരംഗത്തില്‍ ഈവര്‍ഷം കമ്പനിയുടെ ഓഹരി വിലയില്‍ 49 ശതമാനമാണ് നേട്ടമുണ്ടായത്. കൂടാതെ 1987ലെ റിലയൻസ് ഇൻഡസ്ട്രീസിന്റെ മാർക്കറ്റ് ക്യാപിറ്റലൈസേഷനേക്കാൾ 50,000 മടങ്ങ് വർദ്ധിച്ച് 5 ലക്ഷം കോടി രൂപയായി ഉയർന്നിട്ടുണ്ടെന്ന് മുകേഷ് അംബാനി വാർഷിക പൊതുസമ്മേളനത്തിൽ പറഞ്ഞിരുന്നു.

malayalam.goodreturns.in