രാജ്യത്തെ ഏറ്റവും വലിയ പൊതുമേഖല കപ്പൽ നിർമ്മാണശാലയായ കൊച്ചിൻ ഷിപ്പ് യാർഡിന്റെ പ്രഥമ ഓഹരി വിൽപ്പനയ്ക്ക് (ഐപിഒ) ഗംഭീരമായ തുടക്കം. ആദ്യ ദിനത്തിൽ 92 ശതമാനം ഓഹരികൾക്കും ആവശ്യക്കാരുണ്ടായിരുന്നെങ്കിൽ രണ്ടാം ദിനമായ ഇന്ന് വിൽപ്പനയ്ക്ക് വച്ച മുഴുവൻ ഓഹരികളും പൂർണമായും വിറ്റഴിഞ്ഞു.

വ്യാഴാഴ്ച്ചയാണ് ഓഹരി വിൽപ്പന അവസാനിക്കുന്നത്. ഐപിഒയിലൂടെ 1,468 കോടി രൂപ സമാഹരിക്കുകയാണ് കമ്പനിയുടെ ലക്ഷ്യം. നിക്ഷേപ യോ​ഗ്യമായ ഓഹരികളാണ് ഷിപ്പ് യ‌ാ‍ർഡിന്റേതെന്നാണ് വിദ​ഗ്ധരുടെ വിലയിരുത്തൽ.

424 രൂപ മുതൽ 432 രൂപ വരെയാണ് ഓഹരികൾക്ക് വില നിശ്ചയിച്ചിരിക്കുന്നത്. റീട്ടെയിൽ ജീവനക്കാർക്കും തൊഴിലാളികൾക്കും 21 രൂപ വീതം ഡിസ്കൗണ്ട് ലഭിക്കും. 10 രൂപയാണ് ഓഹരിയുടെ മുഖവില.

വിവിധ ബാങ്കുകൾ വഴിയും രജിസ്റ്റർ ചെയ്തിട്ടുള്ള ഓഹരി ബ്രോക്കർമാർ വഴിയും ഓഹരികൾ വാങ്ങാം. ബാങ്ക് പോർട്ടൽ വഴി ഓൺലൈനായും ഓഹരി വാങ്ങാനാകും. ഓഹരി വിൽപ്പന പൂർത്തിയാകുന്നതോടെ കമ്പനിയിൽ സർക്കാരിന്റെ പങ്കാളിത്തം 100 ശതമാനത്തിൽ നിന്ന് 75 ശതമാനമായി കുറയും.

malayalam.goodreturns.in